"Cardinal Urosa Savino vkangpè vdòngø mà-vl a: mì rvt Svrabín koqkvmpè Francis Nønt yor vjúrøt dvbvng we Kàru shvngkà"

"Cardinal Urosa Savino vkangpè vdòngø mà-vl a: mì rvt Svrabín koqkvmpè Francis Nønt yor vjúrøt dvbvng we Kàru shvngkà"

==============================================================================================

Svrabín koqkvmpè Francis nø Cardinal Urosa Savino vkangpè vdòngø mà-vl a:mì rvt nønt yor taqsórì vjúrøt dvbvng we Kàru Mongkà svng jénv'n taqkèní shvrī bøā we íē. Cardinal nø lvpat (79) nøng ínø vle a:mi we lvban (4) ni vkangpè vdòng taq mà-vla:mì we íe. Àng nø Venezuela móngdàn taqkèní Cardinal tiqpè ínø, August shvlá bélòngì lvp kèní Zā yvng rvnaq longì nø lvjangshì bøì we íe. Cardinal nø móng lvmvng nvng wurlaq dang yvk nø vhømò we Venezuela móngzøngcerì nvng tiqdø lvngdøm ni høqshaq rip lún bøā we íē. Móngdàn shølshú Vgorì kaq svng gø móngdànme vcip yv'ng kèní vháng vlún lvm mongzøl dø àng mvtúrì svng lá lúnlvm rvt dvkvm bøā we íē. 

Svrabín koqkvmpèò nønt yor vjúrøt dvbvng we Kàru taq Cardinal nø gvzà vp nóngshì bøí, Kà shvdiq døngang we vyvng roqshú tiqpè íwe dang, Gvray nvng Sasvnaò bvnlì dvgvng vrvm taq gø lvpat nvng gønshaq vp nóngshìpe íwe dang, vkangpè Yesu taqkèní dvciq lvpat gønshaq shémō vtoshì laqlúnò wànø shvmá:na bøā we dang, Cardinalò chøm døngku vsvngrì shvngbe gø  Gvray yv'ngkèní nønt shvløm we jèjú vtoshì laqlúnò wā vjúrøt dvbvng nø shvmá:n dvgøngā we Kàru svng Svrabín koqkvmí vkvt Sasvna bvnlì taq bvnlì angkang ku dvnungò nø dvzaqshì we Baltazar Enrique Porras Cardozo  kaq zí bøā we íē.