" Cardinal Vela Chiriboga Gvray vdòng mà-vl a: mì rvt Svrabyin Koqkvm nønt yùl we shvngkà"

" Cardinal Vela Chiriboga Gvray vdòng mà-vl a: mì rvt Svrabyin Koqkvm nønt yùl we shvngkà"

Ígwidó móngdvn, Quito Gaichuk svradopè Aifredo José Espinoza Mateus svng shvrìo we kàrū gøm taq Svrabyin Koqkvmí Cardinal Raúl Eduardo Vela Chiriboga mà-vl a: mì we shvngkà rvt nønt yùl we dang, Quito ò Gaichuk svrado Ku (2003-2010) høq Gaichuk svrado Ku dvzaqshì nø narshì bøì nø, vlē a: mì lvban nī Gvray vdòng taq mà-vl a: mì. Svrabyin Koqkvmí zvtdvtut Gvray vdòng mà-vl a:,mi we svradopèo àngnvm angchvngrì, svsana vdòng mvdò vrvm nvng tiqdø nønt yùl we dang,vdè dvpvt wā vjú mvlūshì Shvngømré vyvng ròqgar we bvnlì taq mvmè nøng àng lvpat Béni høq dvzaqshì lún bøā rvt Gvray vdòng gvzà nøntshøm lvm ra íe.

Angò pvlace nø Gvray móngdvn yv'ng Pamvrace tuqlún lvm rvt vjúrøt dvpvng lvm dang nvng mà-vl a: mì we àngnvm angchvngrì mvdvmø àngò dvzvr talvn kønpaq gø vtōshì leqlun nøng wa shvmvn dvgøngkà zì bøā. Shvrøng yóga kèní zā nø mà-vl a: mì we Cardinal nø vbat (86) nøng íā:mì nø, shvrøng yóga í November 15 nī taq St. Gāmìlús Cìrong taq mà-vl aq:mi we svng shálún shìe. Angí langra we shagóng vnàng svng November 17 nī,Quito Gaichuk sasvnaò Noqngøm tøngnu taq Missa noqngøm nø vjúrøt bøā we íe. Ígwido taq vl wē svradorì gø Cardinal mà-vl a: mì rvt gvzà nønt mvbyo we dang, íni gø lvpat Béni høq Gvray dvzømshú bvnlì taq dvzaqshì nø vpnóng shì bøì rvt gvzà nøntshøm lvm ra íwe dang, Gvray móngdvn sasvna dvpvt gvzà vpnóng shì bøì we Cardinal svng Ígwido sasvna , Shvngømrérì mvdvmø shvmvnā we Gvray kaq oqā wàe.

Cardinalò Lvpat mvshøl tiqdòngce èyv'ng longò dvgvp Cardinal svng (1934,1,1)nī taq Riobamba rvgaq taq shøq yvngà.Quito Gaichuk ò dvnglí svrado íe. Gaichuk svrado Ku(2003-2010) nøng høq gvray bvnlì taq dvzaqshì yàngì. Svrabyin Koqkvm benetdat (16) wūr taq kèní 2010 November 20 ni taq Cardinal Ku rvsvng yàngà. (2015) nøng taq Svrabyin Koqkvm Francisí Cardinal svng (10) baq Beru móngdvnò Gungaret dvzvr Ku rvzvngo we taq dvzaqshì yàngì. wē svng shálun shìē.