"Catholic Shvngømré nvng Orthodox Shvngømré rì (paska) cún boy angni svng muqhøm wàlvm Vatican kèní Cardinal í vtoò we shvngkà"

"Catholic Shvngømré nvng Orthodox Shvngømré rì (paska) cún boy angni svng muqhøm wàlvm Vatican kèní Cardinal í vtoò we shvngkà"

          
Rvzvngcerí vrvmvralvm nvng singdø Svrabin Koqkvmō bvnlì angkangpè Cardinal Kurt Koch kèní Catholic nvng Orthodox rvzvngcerí paska cún boy angni svng tiqni taqwā mvsat nø wàlvm paqzizì lòng svng vrá bøì. mònggang rvzvngceríò kongsi taq constantinubel taq vl we rvzvngceríí àngmaq dvlé rvzvng bøā we kvsa tiqgø ínø rvzvngcerí shvngbè paska cún boy angni svng tiqni taqwā wáshì lòng nø rvzvngcerì shvngbè Vrv'm vrá lvm lòng svng nónggùn zíshì lòng íē, wā shøn bøā we íe.

Telmessos kèní Orthodox gai chuk Svrado Job Gecha í (2025) nøng nø rvzvngcerì vrvmvralvm dvpvt Naizin myoq taq Nvmlat baq wàbøā we (1700) nøng vhøm we nøng gø íe.
        Wervt Vkvtdø Paqzí dvkøm dø tvnúngshì nìnø  gvzà vdù we íe, wanø shønòe. Swedin Shvngkàdvp Kath.ch ò røtkà svng vtá:nā we taq Cardinal Kurt Koch í Paqzí dvkøm lòng svng vtō we dang, Naizin myoq lìpong gvbàmèò nønggøm nøng gø írvt nø téwa lvjøm vl nø vlìng vpō we tiqlòng ílvm rvt rvtø shvlá tiqlòng íwe dang shøn bøā we íe.  Nvmlat baq Naizin lipongme svng (325) nøng taq wà bøā we íe. We lìpong gvbàmèò karvt we taq ràngtong pvngshì we shvláo shvládøm ni mèpvng nvmlat lvban Narni taq wàlvm íbøì. We rvtø nø March shvlá (22) ni rām ínø ,Apri shvlá (25) ni mà-lēò dø wárà we íē.           

Dènilā Orthodox rvzvngcerí nø Julian shvlá røgøm svng cvn nø (paska) cún  boy wàlvm angnì svng  dak ngòē.  Catholic rvzvngcèrì ínø   (1582) nøng kèní pvng yàngà we Gregorian shvlá røgøm  svng lángshìe. Mònggang taqø Vsvng mvmèí Láng vtvng shvlá røgøm gø íē. Julian shvlá røgøm nø tiqnøng lòng svng shvmaqce yv'ng dø vwáshaq íē. Gregorian (calendar)  shvlá røgøm mvdvm (13) mvzvtē. Svrabin Koqkvmō ròng bvnlì angkangpè Cardinal kèní gai chuk Svrado Job von Telmessos í dvtvn lú:ngà wē àng mvtúrì svng vtobøā we dang nvng shvdøng lvm nø chvk shìni mv-sháshì we dang, vtóng vl-dø yòr dø shvm nigø chvkwà vrāshì we taq mvmè dvzaqshì ràe. Ínigø gvzà Vchvk nø vjú vl we bvnlì íe. Vkvtdø paqzí dvkøm lòng svng Svrabinpè gø gvzà nøntshøm dvbù dø tiqdvchà, gótinq Svrado Tawadros taqkèní gø vdù vbóng lòng svng dvtvnòe. Orthodoxgai chuk Svrado Getcha ígø vkvt dø dvtvnshi lòng svng (1997) nøng dvgvp kèní mònggang rvzvngcerí Shvngømré kōngsi taq dvtvn yàngà we dang, ínigø Naizin lipongme taq Kàciq rvtnò dø cvnlvm mvsat yàngà. Wervt gvzà vdù vbóng vtuk dø wá mvlún yàngò, wàē.