Cháng kàngpè yesu shøqò we Christmas bóy angni

Cháng kàngpè yesu shøqò we Christmas bóy angni

Vle vmì we 2000 rvzé nøng taq David dvcìrìò Gàmzø koqkámpèí David dvcìrì svng gø vrvm nø vsvng shìpvn zángshì ràwe vmíng dvkám yàngà. Yóseph gø David dvcì kèní tiqgø íwe rat angò døngku mèku shvzøng shì bøì we Mariq nvng tiqdø shìpvn zángshì lvm dvpat Galilé wamà, Nazareth myoq kèní Yudaq móng Bahtelehem svng búng ráì.

Wedø Bethelehem taq vlwe rvtø Mariqnø cvmré shøqlvm angni vhøm ráì we ínø lòngzàcè yesu svng gvl yàngà. Angmaq rap nø chøm taq mvnám lvm shvrà mvlúnò we íratnø ninà Kung taqni lòngzàcè yesu svng gvl yàngà. Luke 2:8-20 Wervgaqø, vyv̀ng roqrì nø zømwàngø yaqdø̀:ngí angmaq vyv̀ngrì roqò nø v̄le.

9 Vkàngpè Ang muqlàng dvzv́r tiq gǿ nø angmaq shvnvngø̄ rip daqì nø, Vkàngpè Ang pòngbàng gø angmaq gùrhø̄m shór daqì rvt, angmaq shérvkaq svreá:mì. 10 Wekvt muqlàng dvzv́r gǿí angmaq svng, “Mèsèrenøngni; ètánøng, "bashà rì shvngbe dvpvt vtv̄ngkèní dvbùlv́m shv̀ngkà shvlá ngàí ríā daqshà. Kadø íe wani, dèni Dawi mvrìng taq namaq dvpvt Chv́ngshú tiq pè gv̀l bǿà.

Ang nø Kàngpè Kristu íe.Welòng shálv́m mvshv́lpvrá nø, sv̀ngshv́rcè nø rvwéí møqò nø, nìnà kūng taq dvbǿ:mò we svng namaqí èyv̀ng bǿnø̀nge,” a:lòe.Wekvt tiq dvshaqí muqlàng dvzv́r loksok nø muqlàng dvzv́r wegǿ nvng tiqdø rip nø Gvray kaq shvrīng shvtàò sórí, “Vháng vtv̄ng yv́ng Gvray svng shèrīngnøng, rvgaq tø̀mø Ang wv́mshì rìí nø mòngzø̀l lòng laq lú:nò,” wae.

Muqlàng dvzv́r rì angmaq yv́ng kèní rv́lshì nø muqlàng kaq vtv́ngá:mì mèpvng, vyv̀ng roqrì vrùng nø, “Betlehem svng nøngmaq akvtni dìì nø, Vkàngpèí dètá daqshà we yalòng bø̀ná:mì we svng yv̀ngá:mì,” wae. 16 Angmaq cancan weyv́ng svng dìá:mì nø, Mari nvng Yosep svng gø, nìnà kūng taq dvbǿ:mò we sv̀ngshv́rcè svng gø lá lún bǿà.

17 Angmaqí yv̀ng bǿà kvt, cv̀mré yagǿ dāng angmaq svng dvtá daqà kàrì angmaqí dvsha:ngòe. e 18 Vyv̀ng roqrìí shø̀:nò kàrì tá lú:nò dv́ngte nø dádv̀ng wae. 19 Marií mv̀ng nø, kà yarì shvngbe ang nøt vdòngø mvsø̄:ngò nø dvda:mòe.

f 20 Vyv̀ng roqrì nø muqlàng dvzá:rí dvtá daqà dø tiqdvchá, tá gø tá bǿà, yv́ng gø yv̀ng bǿà rì shvngbe rvtnø, angmaqí Gvray dvgùng dvshv̄ng mā:nò nø, shvrī:ngò taqsórí vtv́ngá:mì.

Aa