Chìlì Svràdò gvbàpèí Noqngøm zùng gvyaq-atnò lòngsvng vgámòwe.

Chìlì Svràdò gvbàpèí Noqngøm zùng gvyaq-atnò lòngsvng vgámòwe.
Friday, October 23, 2020
Chìlì Svràdò gvbàpèí Noqngøm zùng gvyaq-atnò lòngsvng vgámòwe.
Chìlì móngdàn santiago Svràdò gvbàpèí Noqngøm zùng gvbà vní zùng kaqsvng svmìí wárònø gvyaq-atnà wesvng yáng mvtvmò we nvng Noqngøm zùng dvcøp shìlvm dvpvt Shvngømré vsvngrì kaqsvng nvngùn zìwe ka Lvbán nìtaq tvnung bøà we íe.
Out, (18)nì yvng Santiago myoq taq St. Francis Bolgia Noqngøm zùng nvng The Assumption of our Lady Noqngøm zùng rìkaqsvng Svmìí wártatnà weíe. Mvme nøng vleá:mìwe Noqngøm zùng rìgø ínø dvgùng vldø lvpvt mvshøl gø vlwe Noqngøm zùng rì íe.
                Noqngøm zùng Svmìí vkvt we rvtø taq dvki vrè we vsvng rìnø dvbù wenvng jòr:ámì wa dvgùng lùshìnø vlwe kaqsvng shálún shìe. Noqngøm zùng gvyaqò we vsvngrìí shønò wetaq (ဖွဲ့စည်းပုံပြင်ဆင်ရေး) cvn døngwe dará vling mvyø ìrvt móngdàn vsúyaq kaqsvng vtùò we tiqnøng vhøm ráì rvt dvhøm Shìwe íe. Outober nvmlat zang taq Svmì lì:ngí tòòwe dvng; rvtø tiqdvtang shvyvng bøà rvt nøt mvshøm nø vlwe móngvsvng rìnø mà vrá we, shìqshvn we dang dvbø vháng lúng ìrvt vgám dvtan we íe.
Svràdò gvbàpèí lvbánnìí shønò wetaq mvshvla we bvnli rìnø krvtsøm we, nøtzà lvm, nøt mvpyo lvm wa írvt mashvla dvki vrè we rìkaqsvng yáng mvtvm-atnà we íe.
   Dvgá myoq rìyáng vbá we vgám dvtan shìwe rìnø noqngøm zùng rìkaqsvng cvmìí wárònø (မီးသတ်) rìsvng gø vdòng taq góng mvdvzvrò we gø vle. Wedgø waòwe rvtnø gatsing rì, chømrì gvzá gvyaqò dángí vsvng (30) ján gø shìyà:mì we íe. Dvshà we vsvngrì téwa dvshà mvhøt vhøm ámòwe írvt dvdvmã nø dvshá zà shá ràe. Wedø írvt Catholic shvngømré vsvng rìkaqsvng tiqdá vsvngkaq dam kení tvle teq shìlvm mø:í, Gvray shóngnøt taq kení noqngøm zùng rìsvng tiqdø vrá dvcøp lvm wáshaì wanø chìli móngdàn santiago Svràdò gvbàpèí nvngùn zìkà shøn bøa we íe.
 
 
 

Add new comment

6 + 0 =

Quick Links