Chøm dvgøq mv-vl we vsvng rì kaqsvng dvbvng lvm (7) nøng rvm íwe cvmàrécè mèí dvbvng lvm pvngò we shvngkà.

Chøm dvgøq mv-vl we vsvng rì kaqsvng dvbvng lvm (7) nøng rvm íwe cvmàrécè mèí dvbvng lvm pvngò we shvngkà.

American móngdan Rhode Island taq vlwe (7) rvm íwe cvmàrécè nø angí wàò we dvrè rì nvmò nø chøm tvmø dvmá mv-vl we vsvng rìsvng dvbvng lvm dvzaq shìwe íe. Scarlett Raucci bøng tø'shìwe cvmàrécè wemècè ínø vnvp we lúngcè rì, gønrù kupce rìsvng tø'ònø we mvtldàm taq vnvp lvm cìí záò nø nvmò we íe. Ang vlwe shvngøm ré vsvng rìnvng ang vlwe rvgaq mvring vsvng angce dìwe nøqngøm zùng shvngøm ré vsvng rìí angwà lvm bvnlì svng dvbvng daqà. Weyvng vlwe Fr. ínø Noqshì we shvngømré rvcángcè rìyvng vl vdùwe tasvng tale dvshá za kewe íe, wanø dvgùngzí kà shøn bøà we íe. 2019 nøng taq angnø angci nvng tiqdø tìwangmè gvbà shvnvng yvng svng vse ke yvngbøà we íe. Weyvng yàngò we pvn vrvm svng tø'ò nø dvshà we vsvng rìkaq dvbvng lvm tvrà dang kaqsvng yvng bøà we íe. Vkvt nø ang rvmnvng mè tiqgø' gø dvshà we vsvng rì sàng dvbvng lvm dvpvt vmo rìsàng wapvng bøà we íe. Angí nø vle bøì we 2020 nøng taq dollar gàmsùng (1150) dvngte lálúno nø dvshà we vsvng shvngbe kaqsvng hí rvdor nvng bèlaq (450) dùng dvbvng lún bøà we kaqsvng shá lúnshìe.