"Cildvp kèní txlbøa we democracy vlún vkvngrì mongzøngcerì kaq vtvngalvm rvt campaign wàò we shvngkà"

"Cildvp kèní tvlbøa we democracy vlún vkvngrì mongjøngcerì kaq vtvngàlvm rvt campaign wàò we shvngkà"

2020 nøng November 8 ni taq vdù vbóng døngmàn dø wàbøā we móng lvmvng mongøp kimvng Vgò shaqré rvzvng we boy taq mongjøngcerì shvngbè shvngrúng we mongøp shølshú kimvngrì svng mongzøl dø rvzvng lún bøā we íe.Íwe yalòng mongøp kimvng Vgò shaqré rvzvng we boy taq mè mà-dvmamuq vlē wanø February (1) ni taq Cildvp kèní mongøp vkvng svng tvlbøa we íe. 

Vkvt dø mvdøng mvman dø Cildvp kèní tvlbøa we democracy vlún vkvngrì nvng Cildvp kèní tvpbøa we mongøp shølshú kimvng Vgò shaqrérì shvngbè svng Pamvrace mongzøl dø shvlángà lvm rvt mongjøngcerì taq kèní Dai, Byenē, myoq vrv'm taq vkvt dø vhavchángshì we svng shálún shìe.

Putao myoq taq gø February (8) ni  Vsháng 9;00 kèní dørøm 2;00 rvtø høq mongjøngcerì (1000) gø dvngtè   democracy vlún vkvngrì svng vtvngàlvm, mong øp shølshú kimvng Vgò shaqrérì svng shvlángà lvm, mongjøngcerìo vlúnmérì svng vpøa lvm  vhavchángshì bøì we svng shálún shìe.