Covid-19 rvtnø Italy móngdàn vdòng taq vlwe Cahtolic Fr, (200) gø shìbøì we shvngkà

Covid-19 rvtnø Italy móngdàn vdòng taq vlwe Cahtolic Fr, (200) gø shìbøì we shvngkà

Covid-19 rvtnø Italy móngdàn vdòng taq vlwe Cahtolic Fr, (200) gø shìbøì we shvngkà.

 Covid-19 rvtnø Italy móngdàn vdòng taq vlwe Cahtolic Fr, (200) gø shìbøì we íe. Covid nvmlat bønráì we rvtø taq kení tiqnøng gø shinì màhøm we rvtø vdòng taq Italy taq vlwe Cahtolic Fr, rì svng zínkéò nø shìwe zìdang vháng we íe. Italy móngdàn yvng shìwe vsvng (2) mùn dvngte shìwe taq kení (200) dvngte nø Cahtolic Fr, rì íe. Tiqnì ján yvng tiqgø dvngte shìwe íe. Covid-19 rvt shìwe ang mvdò yvng kení Italy Cahtolic jau mvdò rìnø nvmbat (3) dvngte shìwe íe. We dvngí shiqshan dap mvdò rìnø té kaq shìwe íe. Vna yógà rvt shìwe Fr, rìnø vsak vbat tewe Fr, rìwa íe, wanø shálún shìe. Vsak cvm vtvng nø (58) nøng íwe komo Sasana kèní Fr. Alfredo Nicholadi tiqgø wa íe. Jau rìnø angmaqò Sasana bvnlì svng mànvr nvr dvzaq shì rvt wedø zínkeò nø tiq nøng vdòng taq(200) gø shìnø nøngshvr shvlá taq (4) gø shì bøì we íe. Mamaq rì gø wedø nì zínkeò nø gvzà màlé we rvtø rì taq maqmaq zùng (114) vlwe taq kení (104) gø zínke bøà we kaqsvng gø shálún shìe.

Add new comment

7 + 3 =