Covid-19 Stay Home rvtø rì vdòng taq Shvngømré gvbà vbì mvdò yvng kení, yak nø dvshà we Chøm vsvng vrvm kaqsvng dvbangò we.

Covid-19 Stay Home rvtø rì vdòng taq Shvngømré gvbà vbì mvdò yvng kení, yak nø dvshà we Chøm vsvng vrvm kaqsvng dvbangò we.

Thursday, October 29, 2020 Covid-19 vní baq wabaq bønrá ìwe September nvng October shvlá rìtaq Mandalay Kahtolic Shvngømré gaichuk sasvna vdòng taq Shvngømré vbì mvdò yvng kení yaknø dvshawe chøm vsvng rvp(1200) chøm svng (vmcit tiq borì, só 10 joy pénì 1joy, gvlàpé tiqjoy, koksow vnípà, Hendgel, Mask, 5 tuk) dángtè Chøm vrvmsvng dvbang zì shì bøì we íe. Covid-19 vdòng taq gvmsung mvgòng we chømrì svng gø, zăwe vsvng rì svng gø, dvgøq shvnam shìwe vsvng rì svng gø, dvrvt cè zung, Mama zung, buddha ဘုန်ကြိးPonggi zungrì yvng dìnø Shvngømré vsvng vrvm svng màrvwìng dvbang shìwe kaqsvng shálún shìe. Vkat dø dvbang shìwe nø Mandalay Katholic Shvngømré shølshú vgò pè Svràdò marku dìnwín kení vnà zønli vkøn we vdòng taq dvbang shì lvm dang vlu røtnò ke bøng mvshøn shìwe vlu angkang 2 gøí vkat dø dvbang zìshawe kaqsvng shálún shìe.

Svrado pèínø wedødvbang shìwe kaqsvng shvlshú washì lvm Fr. Dominic Jo Du nvng Fr. Augustine Win Myint maqí shvlshú washì Covid-19 Respond wawe tiq mvdo kaqsvng poqò nø dvbang lvm tvra kaqsvng dvzøm dvbang shìwe íe. Vkatdø wapang shìwe nø September nvng October vní shvlá Vdùng taq (1200) chøm vsvng rì kaqsvng zí dvbang shì atbøwe íe. Vrá vzang dvtut ínìgø chøm vsvng (1100) chøm svng gø dvbang lvm vlè wanø we dvbang shìwe mvdo svng shvlshú vgò pè Rev. Fr. Augustine Win Myint íshìnò rvt shálún shìè.