"Covid (19) yóga zønlì vgámcì mvtú shì we Vatican ye (3) gø svng bvnlì kèní nàrshì dvzvrò we Shvngkà"

"Covid (19) yóga zønlì vgámcì mvtú shì we Vatican ye (3) gø svng bvnlì kèní nàrshì dvzvrò we Shvngkà"

Swiss vshúngshú wā Vsvng mvmèí sháò we Vatican ye (3) gø kaq svng mvsvtshì we vdòngø Covid yóga vgámcì cì chvngrì byiqhøqshaq mvtúshì rvt bvnlì taqkèní nàrbøà we dang, ngvmshì we (3) gø nø Covid yóga vgámcì túshìlvm vgámshì rvt nàrbøà we íe. 

 Vaticanò Øpkvng Uchukyé Vgopè íwe Cardinal Piero Parolin kèní wūr shv-mal shaq dvkvng Kàru taq Vaticanò Bvnlì wàshú wøntvnrì shvngbe nø Covid-19 vgámcì túshì ràe. Wekvt wā ukaq yakaq vtishi lúnlvm íwe dang, dvkvng Kàru nø October (1) ni kèní pvngshì nø vjú vl bøì we íe. Covid yóga vgámcì túshì lvm rvt vgám shì we ye (3) gø nø bvnlì taqkèní nàrbøà nø, mvsvtshaq íwe cì chvngrì vhømhøqshaq mvtúshi we ye (3) gø svng nø mvsvtshaq lòng túshì bø mèpvng nø to-dø vrá bvnlì rilvm íwe dang Vaticanò ye sing àng we Urs Breitenmoser i shønòe. 

 Vatican ye rì nø svrabín koqkvmpè nvng nitvp dø vl dø tiqdvchá ye wøntvn (100) jvn gø nvng rvtø vrvm vhømrì íwe svng yvnglún shìe. 

Shvngkà tvyø svng ètashi nøng we vnvmchvngrì Shvngbe svng oqā.       
 
 Kà tvling we _ Svra David  Ah Pong.