"Covid 19 yóga zønlì vshøm baq wabaq vdòng vpnúngshì bøì we mvdòrì kaq svng shvring kømpaq dvle we Shvngkà"

"Covid 19 yóga zønlì vshøm baq wabaq vdòng vpnúngshì bøì we mvdòrì kaq svng shvring kømpaq dvle we Shvngkà"

   October shvlá (2) ni vsháng rvtø Mandalay Gaíchuk Sasvna vsing svradopè markoq Din win nø Covid zønlì vshøm baq wabaq vkøn we vdòngø vpnúngshì bøì we mvdòrì kaq svng shvring Kømpaq zí we lìpòng tiqlòng wàbøà we íe.

   Nvmlat wàl Vsháng (9:00) nari rvtø vdòngø svrado Noqngøm zongme taq MCYC taqkèní vpnúngshì zilvngrérì, Vsháng (10:00) nari rvtø taq St. Michael Sasvna Ukzuq vdòng taqkèní dvsházā mvdò nvng vpnúngshì we zilangrérì, Vsháng (11:00) nari rvtø vdòng St. John taq vl we St.john dvsházā we mvdòí mvdò vrvm kaq svng dì nø shvgun shvring we nonggùn zi we bvnlìrì svng wàò nø Kømpaq rì shvring bøā we íē.

    Dvsházā we bvnlìrì dvnungò we mvdò vrvm taqkèní gø angmaqí dvnungò we bvnlì dvgvng rì svng svradopè kaq svng shønò we íe. Svradopè markoq Din win kèní Vkvt dø shvring Kømpaq rì svng zíshì we nø " Covid (19) zønlì vshøm baq wabaq vkøn lòngí we taq Vsvng shvngbe yv'ng vshér lvm shvreshì rvt poqshi bøì we, mvdòrì taqkèní gø àngde gønshaq svng mà mvpashi( Covid yóga zønlì vhømò we zā vsvngrì ( Vsvng pvn, shvngømré mà rv-wing) àngmaq dvpvt ra we cì mv-wvn rì nvng vmlvm pvnrì wvna we, chømrì kaq svng cì gat na we, oxsigen rì láā we, Shì rì kaq svng rvdāa we, angdangdang dvsházā bvnlìrì svng dvnunga nø wáā rvt svradopè taqkèní Mandalay Gaíchuk Sasvname dvle Oqā wanø Kømpaqrì svng shvring we lìpòng wáshì we íe wanø shøn bøā we íē.