Covid 19 yóga zønli rat India móngdàn taq shvrúng shú ( Father) nvng Sister rì 400 rvzé gø shìá:mì we shvngkà

Covid 19 yóga zønli rat India móngdàn taq shvrúng shú ( Father) nvng Sister rì 400 rvzé gø shìá:mì we shvngkà.

   Covid 19 yóga zønli rat India móngdàn taq April nvng May vdòng Catholic shvngømré shvrúng shú (205) gø nvng Sisters rì (210) gø shìá:mì wanø India móngdàn Catholic shvngømré shvngkà tìyø taqkèní shálún shìe. May 29 ni høqshaq 415 gø shì bøì nø shìpvn shi dvtøp mvlún shìwe gø vlwe nvng svradorì 3 gø gø lvpat zíshì bøì wae.

    Dènila India móngdàn taq Covid 19 yóga zønli vkønwe nø vháng vtang zìdang taq vlwe svng gø shálún shìe. India móngdàn nø Covid 19 yóga zønli vgámwe cì mánlúnò we móngdànrì taq vbá we ínìgø yadø zøli vrá vkøn nø móng vsvngrì kaq zínkéò wenø vgám cì mvluqpøn kéò rat íe wanø vsúyaq taqkèní dvtúwe svng gø shálún shìe.