Covid rvtø taq bvnlì madá ívm nø vdè vsak vdè dánshì bø rì dvpvt Svràbín koqkám pè Francis vjúrøt dvbvng we shvngka.

Covid rvtø taq bvnlì madá ívm nø vdè vsak vdè dánshì bø rì dvpvt Svràbín

koqkám pè Francis vjúrøt dvbvng we shvngka.

Svràbín koqkám pè Francis í, vatican taq lvbán vshøm nì vrvm vjúrøt mòngka mvngu shìwe rìpòng taq shønò

wenø bvnlì láng shìnø bvnlì mvdá ívm weí vdè vsak vdè dánshì bøì rì dvpvt vjúrøt dvbvng lvm shøn bøà we íe.  

Wedø vna zinlì vkøn we rvtø taq bvnlì mvdá ívm vsvng gvza loq we nøngmaq shvngbe í, sháshaq íe. Wedø íwe

rvtø taq nøt dvshà rvt dønshì zán lvm nvnggùn mv-vl rvt vdè vsak vdè dán shìwe íe. Dèni angmaq rvp dvpvt vjúrøt

dvbvng lvm wàì wanø Svrabín koqkám pèí shøn bøà we íe.

Bvnlì mvdá ínø nøtcvm nøtyòl døngku pèla nvng døngku mèla rì dvpvt tiq rvná vjúrøt dvbvng nø dvdvm lvm

shvngømré vsvng rìsvng nvnggùn zíka shøn bøà we íe.

Svrabín koqkám pè Francis í, móngdan øp káng we  vsúyaq rìí gø vsvng gø' vrvm dvpvt vmlvm aqlvm lúnò

zidang kèní dvgø'ã vdu we íe, wanø shøn bøà we svng Ansa shvngka dvp kèní dvtvnò rvt shálún shìe.