Døngmv̀n we, Dvrá we nvng Mòngzøl we svng Láì, wa Philipin Cadinal í, Dvshvt we

Døngmv̀n we, Dvrá we nvng Mòngzøl we svng Láì, wa Philipin Cadinal í, Dvshvt we

Manila gayí chuk Svrado Cadinal Jose F. Advincula í, “Black Nazarene” bóy angni taq kø̀mráì we catholic
shvngø̀mré vsvng rìsvng dø̀ngmv̀n we, dvrá we nvng cømsaq mòngzøl we svng lálvm wàì wanø January
(9) ni taq dvshat bǿà.

Mvra vlwe lvpvt svng gò:lv́m wàì. Gvrayò angcèrì íshàè wa bø̀ng dvgung vlwe lvpvt svng dvzaq shàìnø
cúnshàì. Dø̀ngmv̀n we, dvrá we nvng mònggànò cømsaq mòngzøl lv́m dvpvt dvzaq shàì. We bóy svng
wàì rvtnø mònggànò shv́ngshú íwe kàngpè yesuò shóng nønt nvng vzø̀mì nø tiqdá vsvng kaq shóng
shìlvm, lvpvt taq dvshá dvré íwe vnvm vchvng rìnvng vzø̀m vzvp lvm wàì wanø dvshvt we íe.

‘Black Nazarene Jesus’ nø kàngpè yesuò hàng svng shǿngí wàò we hàng itqlòng íe. We hàng svng
Philipin móngdàn manila wamà Quiapo nøqngø̀m chø̀m taq shvmán yv:ngà we inø̀ nǿng vrvm
shvring shatàì we shvngø̀mré bóy íe.