Denøng hkrismas taq Shvngømré vsvng rìò pvlàcè dvpvt vjú lúnlvm dang Vatican kení vkáng zì we shvngkà.

Denøng hkrismas taq Shvngømré vsvng rìò pvlàcè dvpvt vjú lúnlvm dang Vatican kení vkáng zì we shvngkà.

Nøngmaq Kahtolic Shvngømréò Connondvrá (905-1) taq dvgá dvtú we mv-vl nìnø Katholic Fr, tiqgønø Misa kàgvp nónglvm svng tiqgø wa ígø, Vsvng angpóng nvng ígø, tiqboq mvdvm walvm Vkángzì shìwe mvl íe. Dvgá dvtú shìwe mvl ínìgø vdèò Sasana shølshú Svrado bishop yvng vkáng røt shìnø shvngømré vsvng rìò pvlàcè dang dvpvt tiqbaq mvdaq Kàgvp nóng lvm lúnshìe. Yàrvtø taq Covid-19 rvt gvcvt we kaqsvng mòngkàn vrvmí vhømò wesvng nøt mvpyo weí yvng lún shìe. Wulaq bvnlì dang, vdoq vtìp lvm dang, paqzí dang, Shvngømré dang shvngbèò bvnlì dang kaqsvng nvl rà bøwe íe. Wedø íwe dvhø taq móngdàn tiqmaq yvngnø vnà zìnlì yóga vkøn we nvl bøìwe írvt vdoq vtìp we dang, Wulaq bvnlì dang, paqzí dang nvng Shvngømré tvrà dang rìsvng ágvzá nvng Shiqshvn we wungyi kení tvrà dvtú wekaq cvnò nø nøqngøm we íe. Ínìgø vsvng loqdø dvhøm shì mvdaq we vle. Denøng Hkrismas rvtø taqnø Kahtolic Shvngømréò nøqngøm we tvrà dang mvdò kení dvtú shìwe taq Fr. tiqgø nø kàgvp nónglvm (4) poqlún shìe wanø dvtú we tvrà dang vle. Vsvng loqdø dvhøm shì mvdaq we írvt vlē ámì rvtø rìdø nøqngøm lvm vkáng mv-vl we írvt vchvt dø dvtú shìwe íe, wae. Nøqngøm lvmlún Shìwe dang rìnø 1, Hkrisma nì. 2, Nøngshvr (1) nì, Gvyày angmèò boynì 3, Paqzí vdèwe koqkám (3) gø boynì, we (3) nì taq dvtú shìwe dang nø vjú vlwe íe, wanø shálún shìe.