"Gvray bvnlì taq kèní narshì bøì we Bingladesh svradopè taq kèní oqā kà"

 "Gvray bvnlì taq kèní narshì bøì we Bingladesh svradopè taq kèní oqā kà"

Bingladeshmóngdvn,myoqdo Dàga taq vl we Te'vtvng svradopè Cardinal Patrick D'Rosario nø narshì lvm írvt ang dvbvng yàngà we jèjú angkangri svng oqā wa Kà shøn bøì. October 2 , Dàga myoq St. Mary Noqngøm tøngnu vdòng taq missa Noqngøm we svng wà bøā nø zvtdvtut wáshì lvm íwe svradopè Archbishop Bejoy Nicephorus svng vto bøā. Cardinal pè shøn we taq, bvnlì kèní narshì vdù rvt nø nønt vnvng we mvdvm Shvngømré rì kaq gø oqā wa we mvdvm zvtdvtut wáshì lvm iwe svradopè svng gø vjùrøt dvbvng we í tubum laqlúnì wa, røt nemshìe.

Lvpat té rà ínø shiqshàn tvrà dvjà rvt Gvray dvzøm shú bvnlì kèní narshì lvm rvt røtnemshi we Karù svng Svrabyin Koqkvm Francisí vto bøa nø, Sylhet sasvna kèní Gaichuk svradopè svng rvsvng bøa. Cardinal nø Dàga Gaichuk sasvnaò (10) pè wa pè svrado íe. Àng taq kèni oqa wa Kà shøn we taq, nvmlat rvsvng we Gvray kaq oqā,Vrá, vlømvm nø bvnlì shvrí we Svrabyin Koqkvm svng gø oqā wa we dang nvng móngdvn vdòng tiqdø dvzøm shàì we svrado jau rì, Shvngømré, móngdvn vsuyaq shvngbe kaq svng gø oqa wa kà shøn bøì.

Vrá nø svrado Lvpat (30) nøng vdòng taq Gvray mvrdvng Vsvng mvrdvng yv'ng vlé shì we mvrà rì, bvnlìrì kèni vlé shì we mvrà rì chutā lvm rvt Gvray nvng Shvngømré rì mvrdvng yv'ng røt nemshì bøì. Bvnlì kèní narshì bøì mèpvng àngwa kàgvp nóngshú Lvpat taq v-lvm ínø léga Mvn we, léga rù we Lvpat kèní dvzaqshì lvm íe wā shønè.. Shvngømré í bvnlì dvlé nø wá dvzvr we vl-rà nìnø døngmàn dø dvnúng nø vpnóng shìlvm íe wa Svrabyin Koqkvm nvng Shvngømré svng kashvdiq zishi nø dvkvmshi bøì we íe.