Gvray Gvsang nø nøngmaqò dv:ma rìsvng cì,svra tiqgø dø shóngnøt mvdøng kèní cì, lvja:ngã we íe wa Svrabín Koqkám pè Fransic í, shønwe shvngka

Gvray Gvsang nø nøngmaqò dv:ma rìsvng cì,svra tiqgø dø shóngnøt mvdøng kèní cì, lvja:ngã we íe
wa Svrabín Koqkám pè Fransic í, shønwe shvngka

Svrabín Koqkám pè Fransic Ang zawe záyvng svng vkvt tiqbaq za we írvt angwà dangtè tvrã dí mvngutò we íe.

Vsvng ripòng rìtaq vkàng pè Yesu í, dvshvt we Mòngka nø døngku pèla nvng singwe Kã shvbong taq st. Josephò gvza nøntcøp
shìwe svng yvng lúnshìe. Wedø nønt yvng nøntcøp shìwe nø vsvng kaq mvré za sórí vtoqvtip wenø Gvrayò mavl mvdaq we shóngnøt
mvdøng íe, wanø Svrabín Koqkám pè Fransic í,Shøn bøwe íe.

Nønt yvng nøntcøp we mvdøng nø mvdvm shvlè taq kèní vrvm vrá we dang mví. Wedø nø nøngmaqò dvshà we dang nvng nønt mvhøk
lvm ri svng shóngnøt nvng nønt shvlùm we mvkøm mvdup rìnø mvkømzøp we ínìgø Gvrayò shóngnøt taq kèní vlíng vpò we íe. Cì, Svrà
rìnø zà vsvng rìsvng bvnlvm cøpnøt kèní dvzømò we svng yvng lún shìe. Vhang vtvng Gvray ígø, nøngmaqò zawe vná rì svng wedø dvzømò
we roqgvr ì we íe, wa Svrabín Koqkám pè Fransic Shøn we íe.

Vrá Gvrayí nø nøngmaqí Kadvngtè vle ìwe mvrà vlwe ínigø nøngmaq svng shóngnøt mvdøng í,Kadvgvp gø shvdiq døng we íe. We rvtnø cøpnøt
mvdøng íe. Gvrayò shóngnøt kadvgvp gø mvrà roq nãe, Welùng svng nøngmaqò nvrøm, mvsøn taq mvsøng ràe. Nøngmaq mvnglè mvrà roq kewe
røtlvm shvngòr shàì we íe. Wedø ínìgø rvtø vrvm taq nøngmaq svng Gvrayí mvrà roq awe íe, wa Svrabín Koqkám pè Fransic í Shøn bøa we íe.

Taq svng tvlè mvgvm we dvtvn we nvng vsvng kaq vzøl shøn we shvdiq shì lvm gvza vchvk we svng nønt taq zv:ngí wàe.

Svràbín Koqkám pè Fransic í, vsvng rìpòng kèní shìni mvbúng we rvtø taq doncar vdùng bà vdúng cvmi rvci poq we rvt dvshà vhøm bøa we
rì dvpvt vjúrøt dvbvng dv:ngí mòngka svng nvr bøa we íe.