Gvray kaq mvnoq mvkám vsvng tiqgø íwe kèní Catholic shvrúng shú Father bøn ráì we.

Gvray kaq mvnoq mvkám vsvng tiqgø íwe kèní Catholic shvrúng shú Father bøn ráì we.
          
       Vzàng kaq gvray svng mvnoq mvkám we tiq døngku kèní télû:ngì we ínìgø gvray kaq lálún bøà we mvtaq Catholic shvrúng shú Father Tiqgø bøn lú:ngì we Father àng bøng nø John Bartunek íe.

Àng cvm lvpat taq nø Gvray kaq mvnoq mvkám we døngku tiqrvb taq té lú:ngì we mvtaq àngpè ní àngmè yvngkèní kadø íwe shvngømré mvdò rì nvng gø vtoq vtip we mvwá shì lvm dvkám yv:ngà.

   Wedø àng lvpvt té lú:ngì dvgvp àngmvnmè svng paqzí cvnā we svramè tiqgø yvngkèní gvray dvbùshvng mòngkà dvshvng tápvng lú:ngà we íe.

    Wedø íwe yvngkèní tiqni rvtø taq nø gvray shvnggùn zaywà wawe tiq mvdò 6vng svng gø dinø yvng lún daqà. Àng rung we paqzí zùngò mvshøl cvnshú Professor gø gvray kaq mvnoq mvkám we vsvng tiqgø ínø àng nvng gø gvray tvra dang síngshá lvm dvmvn we wà yvngà.

     Wedø àngní dvmvn we yvngkèní Professor pèí àng svng shvngøt dvtú we taq Gvray kaq noqshì we shvngømré (2) mvdò vl we dang 1 mvdò nø Yudaq dvcì rì shvngømré mvdò ínø 2 mvdò walòng taq nø Catholic shvngømré mvdò walòng íwe dang dvtú yvngà. Àngnø Italy móngdàn taq mvme nøng vl bøì mèpvng nø Catholic shvngømré vsvng tiqgø bøn ráì.
 
 Wemèpvnv nø Catholic shvrúng shú tiqgø bønlún lvm shárà we paqzí rì svng cvnshì nø 2003 nøng tuqráì kvt dvciq lvpvt shvrúng shú Father vya svng kámshì lún bøà.

Àng taqkèní Inside the Passion wawe kàru tiq bok svng gø vru yv:ngà. We Inside the Passion karu bok svng nø cømla hang tiqlòng ku gø mvn bøà we íe