India móngdàn calcutta taq vl shvrúngshúpè kèní dvshà rì dvpvt " Food for all" tvyø svng wá pv'ngshì we dang

India móngdàn calcutta taq vl shvrúngshúpè kèní dvshà rì dvpvt " Food for all" tvyø svng wá pv'ngshì we dang

AnnBandhu Foundetionò dvbangshì lòng rvt food for all svng Calcutta taq vl Catheral vdòng February (5) ni taq poqshì bø'ì we íe.The most Holy Rosary Noqngøm chøm me taqø bvnlì vpvt we Fr Franklin Menezes í yalòng tvyø svng pvngshì lúngì we íē.

Yalòng tvyø svng dvshá hoqrì (140) gø'dvngte kaq svng nvmlat taq vmlvm mvzángrì svng gvrvnā weí pvngshì nø tiq lvban vdòng taq vchukni dvpvt India gvmsùng (6) Rubi nvng vbóng we vmlvm aqlvm tùbùm lvm íwe dang Vmlvm aqlvm rì svng AnnBandhu Foundetion kèní dvnung nø Vsvng shvngbe nvng sing we vmlvm aqlvm rì svng à:ng rung kèní gvrvnā bøā we íē.

Poq bóy lìpòng dvpvt Sasvna rvgaq taq vl Bethany dvzømshú Mama rì kèní mv-kun zaywa poq nø shøl taqsórì RVA Rùng kèní gø bvnlì àng kvng shvrúngshú pè wajau Soumitra Makhal gø vbá bøì we íe.