India Móngdàn nvmshvr tutnò Wønjí Naveen Patnaik nø Svrabín nvng vhøm shìwe Shvngkà

India Móngdàn nvmshvr tutnò Wønjí Naveen Patnaik nø Svrabín nvng vhøm shìwe Shvngkà

India Móngdàn nvmshvr tutnò Wønjí Naveen patnaik nø Vchuk shvlá (22)ni taq Svrabín pè nvng Vatican yáng vhøm bøì.Vkvtdø vhøm lún rvt gvzà nøntshøm we dang ၊Dvbu weí vtō we dang nvng tiqdvshaq í Shiqshàn lúnlvm rvt nvng lvpat yvngúng gønzøl lun lvm rvt gø íshøt zíbøã dang svng àngò vtoq vtip mvr taqø vrū bøã.

Wønji ínø Odisha ò dvle svrabín koqkvm kaq gønshaqtøng nvng shvbóng nø vsòy shaq íwe sømla hàng tiqgøm svng gønpaq zí bø'ā. Wè sømla hàng gøm nø Odishaò gvzà vnvp we nimzi panyan sømla hàng íe, wàe.Wønji nvng vhøm bø'ì rvt Vatican taq tuq bø'ì we Catholic shvrúngshú rì, dvzømshú Mama rì í gvzà nønt shøm dvbù lún bøā. Wønji shiqshàn mongzøl lúnlvm dvpvt gø vjúrøt dvbvngòe.

Wønji nø (11) baq zaqle wang àng tvrà taq vkvtdø svrabín Koqkvmpè nvng vhøm we dang íē. Àng nø Roma kèní Dubai kaq mvdøng kønmvng rì nvng tiqdø zaqle wang tvrà búng we dang gø íe. Wønji ínø Roma taq vl we mònggvn vm aq wàò we bvnlì rúng àngké yvng svng gø dì bø'ì nø, tiqdvtang nvng tiqdvtang wàò dang rì, shiqshàn tvrà nvng vbóng dø wàò tvrà, Tōniò kwurwang banchvk rì nvng vhø'mshì rà rvtørì taqø tiq dvshaq í pvrvn lúnlvm rvt íē, wànø shønòe.