India móngdàn taq COVID 19 yóga nvng shìwe vsvngrì svng svmií wárònø kømlvm dvkámòwe shvngkà

India móngdàn taq COVID 19 yóga nvng shìwe vsvngrì svng svmií wárònø kømlvm dvkámòwe shvngkà
India móngdan bungbe wamà taq Cardinal Oswald Gracias taqkèní COVID 19 yóga nvng shìwe shvngxmré rìkaqsvng svmitaq wáròdáng:í kømlvm svng upkángshúrì nøn tvráwe døtiqdvchá shvrúngshúrì kaqsvng dvkámbøa.
Vzúyaq upkángshúrìí tvnùngòrì svnggø sándvgømnø vsvngshìnø kømòwe bvnlìrìtaq vsvng bung:argø mvdàm mamvzuqshìlvm gøshøn dvkámbøa.
India móngdàn taq April 6 nihøqshaq yóga zínkèbøawe vsvng 4314 gø íbøìnø 118 gø shìá:mì weíe.
Cardinal taqkèní yadøíwe nìlataq dø ngku shvzøng kùngdøíwe vsvng mvzuqshìwe zupùngrì mvwalvm gødvtut shønbøa.
Wedøíwe mvtaq dvshámvré íwe vsvngrì, asvktéám:mìwe shaqrérì svng rìkaqgø dvsháza mvkuk ràwe svng shøn dvkám bøàwesvng Vatican shvngka dap kèní shálúnshìe.
https://bit.ly/2UOyWaK