India móngdàn taq vl we shvngømré noqngøm chømrì tìtøng we vdòng taq dvshà mvhøt lvm vhømò we shvngkà

India móngdàn taq vl we shvngømré noqngøm chømrì tìtøng we vdòng taq dvshà mvhøt lvm vhømò we shvngkà

India móngdàn taq shøzaq nø tìtøng we í vsvng àngkíng mvdàm svng India móng nvm svrlvp Assam state svng vcél bøà we íe.

India móngdàn nvmsvr lvp bvnglai tìshvnvng rvgaqø May 20 ni taq cyclone mvru mè møt ráì we tìtøng ráì we í móng upshúrì taq kèní vsvng àngkíng gø svng shvrà 35 shvrà taq vcél bøà we íe. Assam state, 7 gørwang taq vl we vsvngrì taq kèní yadøí we tìtø nø lím kéò we dvshà mvhøt lvm vzàng kaq kadvgvp gø màhøm dvŕì wanø Assam Christian mvdò taq kèní Allen Brooks íshønvtnà.

Assam state taq kèní lvngcha nvng singwe upkáng vgorì shøn we taq yadø íwe mvrumè møtnø shøtì tøng ráì vdòng taq vsvng 194916 gø dvshà mvhøt lvm vhømò bøà. We mvtaq móngdàn gørwang vdòng shøtì tøng we í Bangladesh nvmløpa nvng Odisha rvgaq taq vsvng 86gø shì bøì.

#ucannews