International Day of Happiness mònggvn mòngzøl byowe àngni

Mònggvn mòngzøl byowe àngni
International Day of Happiness mònggvn mòngzøl byowe àngni wawe nø kapà íe má? 2013 nøng kèní mònggvn rvpdoq UN nø mònggvn mòngzøl byowe àngni svng mònggvn vsvng shvngbeí mòngzøl nø byowe dang vchyak nø shvring shálún lvm dvpat wanø manggá taqkèní wápvngshì ráì we íe. Wewa mvtaq mònggvnrvpdoq rvtø yànggùng vháng vlún lvm tvrà 17 dang nvng dvshá mvhoq wedang shvzøm lúnlvm, màdu màbóng we dangrì shvyúm lúnlvm nvng mònggvn svng roqgvr lvm wawe tvràrì gvlshì bøì we íe.
Mònggvn rvpdoq UN taqkèní ya mònggvn mòngzøl nø byowe àngni svng dìlvm shvngbe kaq vrìngvtnà we íe.
Yani bønráì we mvshøl
Mònggvn rvpdoq UN lìpùng 2012 nøng July 12 ni taq nøt vrá kàciq gvlbøà we taq March 20 ni svng mònggvn møngzøl nø byowe àngni wanø mvsat shìbøì we íe. Yadø mòngzølwe, byowe nø mònggvn vsvng shvngbeò lvpat dvpat shóngwámshì nø manggá tiqlòngni íe wanø mvsat shì bøì we íe. Vránø vsvngrì ò lvpatrì vhánglún lvm, mòngzøl lòng vtoshì lúnlvm dangrì taq shvngbenø mvngushì lúnlvm dvpat rà vchyak we svng tvnùngvtnà we íe.
Yani mvsat shìlvm dvpat 1970 nøng taqkèní Butan móngdàn vsvngrì nø shvng gvmsùng vdá mvgàmlvm wawe mvdàm mòngzølnø byowe svng vtoshì lúnlvmnø téwa ràvchake wawe taqkèní pvngshì ráì we íe wae. Weyáng kènî 66 boq waboq UN lìpùng gvbà taq yani svng mvsat shì bøì we svng shálún shìe.