Iraq móngdàn taq vlwe Abraham ang gvr yà:ngà shvrà yvng svng Svrabín koqkám pè Francis dìlvm dvgø shiwe shvngkà.

Iraq móngdàn taq vlwe Abraham ang gvr yà:ngà shvrà yvng svng Svrabín koqkám pè Francis dìlvm dvgø shiwe shvngkà.

Iraq móngdàn taq vlwe (Ur) wamà nø vsak rvtø angnøng yvng vtvng we ínìgø we rvgaq taq pin mvjàn rvt zaqle wàng dìnø vsewe vsvng mvluq, mvshøl vlwe shvra íe. 

 Ang vsak (99) nøng rvtø taq kèní Abraham wanø ang bøng svng Gvrày yvng kèní lúnò we íe, angnø rvsángcèrì, Islam nvng Jú Shvngømré vchøm mvdoò angkàngpè wanø tøshì bøì we íe.

Svrabín koqkám pè Francis nø may (6) nì taq shvngømré mvdo vrvm kèní shølshúrì nvng tiqdø vjú røt lvm íe. Móngdàn rvgaq vdòng taq  mòngzøl lvm nvng Shvngømré mvdò vrvm, vrvm vrá lvm wanø

, we Vjúrøt bóy svng "Abraham angcø angcè rìò vjúrøtkà” wanø bøngzi shì bøì we íe. 

We rvgaq taq vlwe bomiq paqzí vtè rìgø Svrabín koqkámpè Francis tuqlvm svng cã ìe. Svrabín koqkámpè Francis tuq we rvt nøtlúm nø zaqle wàng dirì té vl lù:nge wanø, ka:m ìe.

We wamà taq (20) nøng dvngtè bvnlì washì we Islam shvngømré vsvng tiqgø ígø "nøngmaq Islam shvngømré vsvng rìgø Svrabín koqkámpè Francis svng vtò dv:ngí,

we rvgaq vdòng taq cømsaq mòngzøl lvm lúnshì lù:nge wanø shøn bøà we íe.