Iraq Móngdan taq vlwe Islamic rìí gvyaqò we Rvsángcè rìò noq ngøm zung rìkaqsvng Dvcøpò we Shvngka.

Iraq Móngdan taq vlwe Islamic rìí gvyaqò we Rvsángcè rìò noq ngøm zung rìkaqsvng Dvcøpò we Shvngka.
Saturday, November 14, 2020
Iraq Móngdan taq vlwe Islamic rìí gvyaqò we Rvsángcè rìò noq ngøm zung rìkaqsvng Dvcøpò we Shvngka.
Sataday, November 14, 2020
Ìrvt Móngdan taq vlwe mùsvlìn rìí gvyaqò we Rvsángcè rìò noq ngøm zung rìsvng Dvcøpò we kaqsvng shálún shìe. Ìrvt Móngdanò no.(2) té vtvng we wamà Mùsól yáng noqshì we Rvsángcè rì kaqsvng ISIS Isalamic dvkì vrè we mvdò rìí gvsvtò we rvtnø at-shì bøìwe vsvng rì denì høq lo mvkamshìwe íe. Dvkì vrè we mvdò rìí vgámò we dvhø taq atshìwe ínì gø nøtshøm lvm mv-vl rvt nø vdeò rvgvq yáng svng lo mvyø nìgø lo mvkàm shìwe íe. Sawaed el Muselya tø shìwe Muslim Zìlvngré dvshá zà bvnlì wawe mvdò rìínø dvkì vrèò rvt gvyaq shì bøì we noqngøm zùng rìsvng dvcøp shìwe nvng dvshvn dvshèrò nø dvbang dvzaq shìe. We Zìlvngré mvdò rìínø badayé vsónyawt shangømré rì kaqsvng vtù we mvl lvm dvpvt dvzaq shìwe gø íe. "Nineyway vdám móng nvng Mùsól vdong yvng dvkì vrèwe nøngrì bènø simsà mòngzøl we shvlá gá lúngì” wanø Fr. Mekkoí shønò we íe. Mùsól Myoq taq vlwe St. Htomas Círia Cotholic noqngøm zùng yvng Muslim Zìlvngrérìí nø atshì bøì we rvsángcè rìkaqsvng vdèò rvgaq kaq lolvm svng dvbù nø vtò we íe. "Mùsól wamà nø ngà maqò rvgaq ídø nì tiqdvchá, angmaqò rvgaq gø íe. Angmaq mv-vl nìnø kømzøp lvm gø mv-vl wanø dvbù lvm kà shøn vtà-vtnà. Fr. Mekko ínø we rvgaq yáng vlwe rvsángcè (200) ján chøm kaq atshì nø dvgøq shì lúnlvm svng dvbangă we gø íe. We rvtø taqnø rvsángcè (75000) ján gø dáng tewa vlwe íe. Fr.íshønò we taq "we zìlàngré rìnø vsvng mvluq we ínìgø gvzà dvdam sháò we írvt vløm shìlvm vlè” wanø shøn bøă we kaqsvng shálún shìe.
 
 
 

Add new comment

1 + 2 =

Quick Links