"Isalamate rvgaq siria taq vl we rvsvngcéri kaq svng FrancisGin Doraq svsana mvdòrií ròqgar we dang"

"Isalamate rvgaq siria taq vl we rvsvngcéri kaq svng FrancisGin Doraq svsana mvdòrií ròqgar we dang"

Durvgi nvng rvgaq dvrøt shvrà, Siria Nvmløp lvp vl-we Knayeh nvng Yacobieh mvring taq kèní rvzvngce Døngku 300 dvngtè svng FrancisGin Doraq svsana mvdòrií tubumo nø yvngo we svng yvnglún shie. We shvrà nø Isalamate vdù mvdò jihatcildvprií øpmo we shvrà gø ínø Shari'a wawe Uvdi jàng vrangshaq íe. We lòng Uvdi jàng taq zvmaré kàgøí ni gø sxmba:ni mvr wvmshì ràe. Vdè Shóngshi dø di mv-daq wā dvkvmoe. Wurgang rì svng gø gvyaq āòe. Francis gin Doraq svsana mvdò taq kèní vnípè íwe Lvpat 40 nøng mvlēm Lvar Bsharat nvng Lvpat 67 nøng íwe Hanna Jallouf maqnø we shvràrì taq vl we íe. Jaupè shøn we taq tiqbaqbaq nø tøp nx, vdep we nvng shat we gø vle, wae.

2013 nøng taq nø Fr.Francois Murad wa lv'n shì we (father) Jau tiqpè svng gø vgo battut shat yàngà we ie. Yànila taq gø naqciqriq we mvdò í zongsvramaq tiqme svng gø mv-yvmvm dvngí shat bøā we íe. Jau rìí nø vsvng gø vrvm kaq svng dvbvnglvm ínø mvjan kèní a:tshì lòngì we Muslim døngkuri svng gø angmaqí v-lvm shvrà rì dvgøā bøā. "FrancisGin svsana mvdò vl we nø dø'vdong kèní gálong ílvm rvt íē"wa dvdamò we taq wulaqbvnlíri mv-bøn we íni gø mongzøngce rì svng Gvmsùng kèní kut dvbvngshì bøì. Vyun-kvnyvng kvtnām lvm gø mà-shvla rvt ,we rvgaq døngku vsvngrì nø FrancisGin svsana mvdòí dvbvng we taq wā dvgøq shì we svng shálún shìe.