Italy Dvm mvdaq Vní baq wabaq rvsvng bøà we Dvm mvdaq Mattarella svng Svrabín Koqkám pè Fransic í Dvgùng zíshøn we shvngka.

Italy Dvm mvdaq Vní baq wabaq rvsvng bøà we Dvm mvdaq Mattarella svng Svrabín Koqkám pè Fransic í

Dvgùng zíshøn we shvngka.
 

Italy Móngdanò Dvm mvdaq Vní baq wabaq rvsvng bøà we Dvm mvdaq Sergio Mattarella svng Svrabín Koqkám

pè Fransic í Dvgùng shvring we svng Jenán taq shøn bøà we íe. Móngdan vsvng rì vrvm vrá lvm dang svng vle

bøì we rvtø mvdvm té dvzaq shìlvm svng gø nøntløm shìwe svng shøn bøà we íe.  

Dvm mvdaq nø vsak (80) nøng ínø, angsvng mé za:ngò we vsvng (983) mé kèní (759) mé (vpyat vdat) bat tut

kømngøm dángkè bøà we rvt mvsat shìwe mvdvm Sha vlè vlwe íe. Chvkchvk dang ràwe ménø  (505) mewá íe.

Vkvt a:ngí lúnò we ménø (2015) nøng taq a:ngí lúnò we mé nø (665) me íwe mvdvm loqwe svng shálún shìe.     

Svràbín Koqkám pè Fransic jénán kèní lvbán vchuqnìí shønò we taq vkvt dø móngdan vháng vtvng we shvrà lúnò

we rvt dvbu:ngì. Vna zìnlìrì vkøn we rvtø írvt sharà vrvm dvshà lvm dvløt we svng yvng lún shìe. Ya rvtø taq vsvng

vrvm dvshà rvt dvgá vsvng rìkaq dvbvng lvm dvdvm we ínìgø vtè dvpvt dvdvm shìra wedø Yatwe rvtø taq tiqdø

vrvm vrá nø tiqdø vzøm lúnlvm dvzaq shìra we íe. Móngdan sømsaq mòngzøl lvm nvng Italy móngzøngcè vrvm

vnvm vchvng cèrì dø nønt zvng nø vzvng lvpvt tvrã dang nøntshøm lvm Ang mvtú lúnlvm dvzaq ràwe svng Svrabín

Koqkám pè Fransic í vjúrøt dvbv:ngò we íe.