Italy jànùã wamà lvngré Scout vsò:ngò we mvdòí Myenmar móng lvngré kèní rìsvng wanø tvnù:ngò we shvngkà.

Italy jànùã wamà lvngré Scout vsò:ngò we mvdòí Myenmar móng lvngré kèní rìsvng wanø tvnù:ngò we shvngkà.

 ( Myanmar nvng Italian) Vsvng vrvm kaq mvrézà nønt vlwe nøngmaq scout vsò:ngò we mvdò nø Myanmar móngzøng cèrì, té kaqnø cvmrécè rì shángbe nvng tiqdø vlìe. Italy taq kèní Myanmar móngdàn yvng bønwe tvrà dang svng dvshà:ngò we taq shvnip shvnvr we tvra rìsvng rvtø vràm wulhàm (3) chàng dvtvnò nø Democracy røtnò we svng rvtø vràm taq yvng lún shìwe íe. Wedø wulhàm (3) chàng dvtvnò we dang svng Italy móngdàn taq vlwe langré Scout mvdò rì mvdvm mòngàn rvgaq vrvm taq vlwe scout mvdò vsvng rì vhøm we rvtø pàmvrà wawe ínø ( wulhàmcè rì màbóng dø) tèwe gønø cvmwe gø svng dvbvng ràe wa lvjøm svng dvtvn we íe.

  Dènì la rvtø nøngmaq myanmar móngdàn taq ya wulhàm (3) chang dvtvn we laqyà nø ànã tør bøà we cìldvp rìsvng vgám we ínø, màcèrèì shvng shvngwa mòngzøl dø vl lúnlvm, vsvng vrvm vrám vrá we vkoq vkáng lúnlvm dvpvt mvdøng dvzaq shìe wa lvjøm íwe svng shálún shìwe íe. Nøngmaqó Genoa Italy kèní scout mvdò nø, nàmaq myanmar móngzøng cèrì shvngbeí sháò dø dvkám kà shøn mvyø wenø nøngmaq shvngbè nø myanmar móngzøng cèrì shvngbe nvng tiqdø rìp nø vlã we íe. Agisce Genova 7 Móng lvmang dvnòng mvngá jór ràe jór ràe.