Italy móngdàn taq noqngøm tvyørì vrá pvngshì ráì wawe shvngkà

Italy móngdàn taq noqngøm tvyørì vrá pvngshì ráì wawe shvngkà

Europe móngdànrì taq Covid 19 yóga zønlì vkønwe téwa luqráì we rat móngdàn vsúyaq taqkèní yóga vgámwe dvrá svng gvl bøà we ínìgø noqngøm tvyørì walvm dvpat nø cvndøng dvrárì cvnwe vdòng taq wáshìlvm dvkám we íe. Svrabín koqkámpè taqkèní Vatican taq vlwe dvtan chømrì shvngbe nvrbøà we mvtaq shvngømré rìnvng vhøm nø mvngushì we tvràrì shvngbe gø nvrbøà we ínø online mvdàm wa dvkangshì ráì we gø íe.

Yani la taqnø móngdàn vdòng móngwvlrì angtut angtut taq yóga vgámwe dvrárì dvtut gvlshì we ínø zìdang dvhán mvnò we íe. Italy móngdàn vdòng taq yaqdøng 10 nari taqkèní sháng 5 nari høqshaq móng vsvngrì shønggvn svng mvlé shìlvm dvrá gø gvlò we íe. Yani la taqnø gøncøp shvràrì, hang cømla dvtan chømrì nvng dvtan chømrì shvngbe gø nvrbøà we íe.

Zùngmacè rìgø zùng paqzí cvnshì we svng online kèní wa cvnshì vdu á:mì. Yadø íwe rvtø taq Svrado rìí shvrúng shú jau rì kaqsvng batzìdang nvng vdu vbóng we paqzí rìnvng cvndøng dvrárì vdòng taq dvbùshvng bvnlì rì wálún lvm dvkám bøà we íe.

Add new comment

2 + 1 =