"Italy móngdvn taq yaqdøng rvwe Missa noqngøm wē svng vgám we"

"Italy móngdvn taq yaqdøng rvwe Missa noqngøm wē svng vgám we"

Italy móngdvn taq Covid 19 Zønlì vsher we svng vgám lún lv'm rvt yaqdøng rvwe X'mast missa noqngøm lvmvng svng vgám mōe. We mvdvm tiqrvgaq kèni dvgá tiqrvgaq svng dì we bvnlìrì mv-wa lvm rvt gø dvkvmōe. Italy móngdvn taq Covid rvt Vsvng 60,000 mūn gø shìvmi nø mi-wa móng mèpvng nvmbat vní taq zābøì we móngdvn gø íe.

Vlē v-mi we December 3ni, tiqni vdòng taqwà Vsvng 993 gø' shìvmi nø 14 ni vdòng shìwe % nø 21% høq rvmshì lú:ngì wàe. Shiqshandvp kèní gø yaqdøng rvwe X'mast missa svng gø dørøm rvtø 8 nārī Ukaq mà-lé dø wàlvm nvng X'mast svng døngku vsvngrì nvng wā chøm vdòng taq walv'm rvt shøn bøā we íe. Covid nvmlat baq taq kèní tiqrvgaq kèni dvgá tiqrvgaq svng dì we, bung we mv-walvm Vyàshì lvm rvt dvkvm bøà we íē.

December 20 nī mèpvng wa tiqrvgaq kèni dvgá tiqrvgaq svng mvdøng mv-daq bvnlìrì rvtwa dì lvm í bøì. Italy Catholic Shvngømré taq kèní vsuyaqì dvkvngbøà long svng tù nø rvzvngcerí shvngbeí gø cvndvgøm lvm rvt nvmlat kèní dvkvm bøā we íe. Italy svradogvba àngkérong kèní gø Covid 19 zønlì vsher long vgám we dvrá vdòngø X'mast missa noqngøm wē rvtø svng wàlvm dvkvngbøà we íe.