Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Kàngpè Yesuò svng Nøngmaqí shábø'shà èlán nøngmá? wanø shønwe Svràbín mòngka.
Kàngpè Yesuò svng Nøngmaqí shábø'shà èlán nøngmá? wanø shønwe Svràbín mòngka.
Nøngmaq cvmwe rvtø sanday school kèní Gvray Mòngka cvnshì bø' Sha, Gvray nvng singwe damaq bèdaq
rìsvng gø cvnshì bø' shà we íe. Nøngmaq Kàngpè Yesuò Tvrà shvngbe svng gø shá bø' shà weíe. Wedø ínigø
nøngmaq nønt mvgø; we vsvng dvru tiqgø dø íshàe. Me Shv:ngò shìni, kàngpè Yesu svng Nàí mèsháò we íe.
Rvsvngcèrì íshà we angnøng gvza vléla shàwe rvt kàngpè Yesu svng shá bø'shà we èlán nøngmá mashá, nøngmaq
vsvng gø'vrv:mí dvdvm mìwe nø wedøni dvdvm shàì we íe. Nøngmaq Rvsvngcèrì gø'vrvmí Kàngpè Yesu svng shá
bø'shà we dø vlweí cvnlùng nø cerè ràwe íe. Wedø cvnweí kadø vjú lúnshì we svng nønt ràe.
Kàngpè Yesu í nøngmaq svng Nàkoqnøng; wekvt namaq svng ètánā daqnø̀nge wàe. Kàngpè Yesu í nøngmaq
svng shóngnøt taq kèní nvnggùn kù:ngã angshvr zílvm røtshì we ínigø nøngmaq í màtán shaq vdúng rvm vl-lì
we íe. Kàngpè Yesu nøngmaq vdúng taq gúng mvyø we ínigø nøngmaq jøngjøng pvn vrvm taq shádúm shìweí
vto mvnè shàì we íe.
Kàngpè Yesu nø nøngmaqò mvsøn mvrøm taq kèní ètán lvm røtwe íe. Nvrøm bøngka poqshì bøwe vsvng tiqgø'
nø vlíng vpò we jèjú ang pvnpvn wálún shì lù:ngè. Rvtø vrvm taq dvbu langgá we mørshvm dvtvn lúnò we nø
Kàngpè Yesu nvng vhøm we íe, we rvt vnvp vtvng we lvpvt svng lúnò wenø svksè íe.
Add new comment