Kenya Mongdan yvng Shvngxm re ri dvpvt Radio keni Missa Nungo long

COVID 19 yoga rvt nx, Kenya Mongdan yvng Shvngxmre ri dvpvt Radio keni Missa nungo shvngka

Ya rvtx, Mongdan vrvm yvng dvruq keo we Corona Virus rvt nx, Kenya Mongdan keni Catholic Shvngxmre ri nx Radio Online keni niq vrvm Gvray Mongka dvshvngo nx Missa Nungo long svng shalun shie. 

Radio nvng Television keni Gvray Mongka dvshvngo long keni Kenya Mongdan yvng vl we Catholic Shvngxmre 11 wvn jvn i we shvngxmre ri niq vrvm tashi we svng shalun shie. Kenya Mongdan Vsuyaq ri keni gx, Noqngxm Chxm ri shvngbe kaq biko long Vatican Shvngka keni shalun shie. 

Catholic Redio nvng Media ri keni yadx i we rvtx svng cvn nx, online keni niq vrvm Gvray Mongka dvshvngo long nvng Missa ri wao long nx, Shvngxmre ri Pvlace nonggon lunshi lvm nvng Corona Virus shvmvng lunlvm dvpvt ie wa nx, Director of Capuchin Television pe iwe Fr Peter Waweru i shxno long svng Vatcan shvngka keni talun shie.