Kolanbatò "Shvrē mvdò kèní vmerigvn móngdvn taq vl we cvmrérì svng tubùm lúnlvm dvpvt Coat bēlaq tiqking jvndūng gvranā bøā we"

Kolanbatò "Shvrē mvdò kèní vmerigvn móngdvn taq vl we cvmrérì svng tubùm lúnlvm dvpvt Coat bēlaq tiqking jvndūng gvranā bøā we"

Kolanbatò shvrē mvdò taq kèní (2009) nøng taq " cvmrérì dvpvt Coat " wàwe mvrézā nø dvbvng we bvnlì tvyø svng pvngshì bøì. Cvmrérì nø vsvk (2) nøng kèní mvdvmkaq (16) nøng mvlìm høq vbáè. Àngmaqò dvnù mvnggá nø gvzà zøng we lvngchà rvngtōng rvtø nīlā taq cvmrérì bøbølømcè vlúnlvm rvt íe, wàe. Yalòng tvyø svng yànila taq vmerigvn móngdvnò rvgaq dvrøt íwe kvnēdā nvng namshvr lap taq vl wē metsico móngdvn rì høq vsher a:mì we íe.

Yalòng tvyø svng bvnlì gvbà tiqlòng ku Vsvng mvmè nvng wáshì nø dvnúng shìwe íni gø Dènøng taq mònggang Vnā Zønlì vsher long vl we í nigø myoq vdòng yérìo dvzaq dvgvngshi we jèjú rvt Washaton D.C taq Coat bēlaq shvngbè (3000) jvn svng Modo tiqchvng íwa dvnúngò nø dvríshì we í zíbøā we svng shálún shìe.