Làngrérì 4 gø taq kèní 1 gø nø àngdè dè shvtshì lvm høqshaq dvdam shìe wa nø gùn dvtøp bøàwe dang

Vsak 18 - 24 nøng dvhø làngrérìò 4 wál 1 wál nø nøt cvm nøt dvshà we taq kèní àngdè dè shvtshì lvm høq dvdam shìwe svng gùn dvtøp we taq kèní shálúnshìe. We gùn dvtøp we lòng svng American móng taq vl we paqzí vdèrì taqkèní gùn dvtøp nø tvnùng vtnà we íe. We mvdò taq kèní Coronavirus yóga zønlì vgám we shvrà rìtaq làngrérìò nøt mvsøn svng gùn dvtøp bøàwe ínø August 14 ni taq tvnùng-vtnà we íe. Tommy Tighe nø døngku tvrà nvng sing nø paqzí zíshú tiqpè íe. Àngshøn we taq "yalòng gùn dvtøp shìbøìwe svng yàngì nø gvzà nvrøm bumlvm íráì. Jøng jøng taqø gø we dø bøn mvnshì ráì we íe" wanø dvkám bøawe íe. Làngrérì taq kèní 40 % dángtenø nøtcvm nø nøt bá mvjòrwe rì vhømònø 30%ò làngrérì taqnø nøt damárì vlwe ínø téwa yadø yóga zønli vkøn we rvtø taq nøt cvmlámrì vhømshì we svng shálún shìe. Wedø íra we rvtø taq tasvng vjúrøt-akéì nø dvbang shàì we í vgám lúnshì we svng gø shvdøm we íe. Tommy shønwe taq wedø íwe rvtø taq dvbangshì shvla we dang 5 dang svng tvnùng bøa. Werì nø 1. Tiq rvtø lushìnø nvrshì ràwe 2. Shaq vgá høq vhéshì ràwe 3. Vjú røtshì ràwe 4. Nøt tøn nøt shvdøkshì lvm 5. Vhøm shì rawe shìwvt àngpvn pvn rìsvng lìga taq vru shìwe dangrì taq kèní shvyúm lúnshì we svng paqzí zì nø shvdøm bøà we íe.