Laudato si wawe Svrabín koqkámpè Francis ò kàru

Laudato si wawe Svrabín koqkámpè Francis ò kàru nø mònggvn rvgaq vnvpnø móngzøl lvm dvpat wa mø:í, vsvng mvngpòng mvdòrì nvng gø singwe íe wawe.

Svrabín koqkámpè Francis taq kèní Laudato si nvng singwe University committee rì svng vhøm nø dvmvn we taq mònggvn svng shvnvp nø roqgvr lvm nø mònggvn vsvngrì gø vrvm taq bvnlì døngjá vle wawe síngshá nøt svng dvshvtā ràwe dang tvnùng bøà. Yadang nvng singnø lìpùngmè svng September 1-4 dvhø Argentina móngdàn taq wàlvm dvgø shaq íbøì wegø íe.
 
Yadø wáshì weò àng mvnggá nø vsvngrì shvngbe í mónggvn svng vnvp dø roqgvr lúnlvm, shvrúng nøt rì téwa dvshvtā lúnlvm dvpat íe wae. Pàwálvm wani Laudato si wawe Svrabín koqkámpè Francis ò kàru nø mònggvn rvgaq vnvpnø móngzøl lvm dvpat wa mø:í, vsvng mvngpòng mvdòrì nvng gø singwe íe.
 
Ya lìpùngmè taqkèní kàru ò àng mvnggá svng tuqlún daqò we døni, téwa àngò vjú vra svnggø vtoshì lúnlvm ídaqe wanø dvdam shìwe Svrabín koqkámpè Francis taq kèní dvkám kà tvnùng vtnà wegø íe.

Yalòng congress lìpùngmè svng nø Argentina móngdàn svradorì àngké vgo mvdò nvng móngdàn vdòng vlwe University zùng øpshú committee taqkèní shølnø wàlvm dvgøshì wegø íe. Yadø wáshì ráì we àngò tvnùng mànggá nø Laudato  si kàru svng dvkang we 6 nøng vhøm ráì mvsat àngni svng shvring we ku gø íe wae. Ya congress lìpùngmè svng nø nvmbøng tvrà taqkèní gø dvkangā lvm íwe rat nøtlúm we vsvngrì shvngbe nø we lìpùngmè taq vbá lúnlvm dvkám we gø íe.

Add new comment

1 + 18 =