Lebanon móngdan Beirut myoq svng Catholic dvsháza mvdòrì taq kèní ám-vq lvmrì tùbum shìwe shvngkà

Mòngàn Catholic dvsháza mvdòrì (ACN) taqkèní Euro 250000 dvpø ám-vq lvmrì Beirut myoq svng tùbum shì bøì we íe. Lebanon, Beirut myoq taq vle á:mì we August 4 ni taq dat chyàng bo nø dvshà lvm vhøm bøà we íe. Welòng ammoium nitrate 2750 ton vlwe chàng bo bøì we taq vsvng 135 gø shì bøì nø 5000 rvzé vsvngrì damá lún bøa we íe. Yalòng dvsháza tùbum shìwe nø téwa dvshà mvhoq vsvngrì kaq svng tùbumshì lvm tvnùngvtnàwe íe. Lebanon vsvng íwe Fr.Saner Nassite shøn we taq yalòng dat chàng bo ráì we rat noqngøm chøm 10 chøm gvyaq shì bøì we mvtaq téwa yaklvm bvnchvtrì bungráì wanø shøn vtnà. Yadø dat chàng bo bøì we taq kèní vsvng 3 sen rvzé gørìò vl lvm chøm rì gvyaq shìâbøà. Lebanon móngdan nø Seríá nvng Iraq móngdànrì taq kèní mvjàn yøl shìwe vsvngrì gø gvzà vl we íe. Coronavirus yóga zønlì vkøn we nvng wulaq bvnlìrì vnøn ráì we taqkèní gvzà yakwe bvnchvtrì vhømvtnà we svng gø shálún shìe.