Local news synod 2022

“ Catholic shvngømré me nvng sing we sasvna rapdoq kèní dvtú we dø tiq dvchá" synod nvng sing nø vràshì we røtkà svng vtv'nà we lìpòng tvyø svng Putao Jau gwørwangme vdòng taq vl we shvngømré rì 2022, march shvlá, 7 ni, St Anthony Noqngøm wáng taq dvhø'mshì nø mongzøl dø pàmvràce wálún shìbøì.

Gwørwang øp wajau John Hpung Shang Aung htoi í shøl we vdòng, Jau gwørwang taqkèní Mama rì, mvrìng vrvm kèní mongkà Svra, svramaqrì, Zilvngre rì, mvrìng vrvm kèní nøttø'ng shaqré gvsa rì lúm nø wà bøà.

Yalòng synod lìpòng svng svrabín Koqkvmpè rúng kèní 2021 October shvlá kèní 2023 nøng October shvlá vdòngø wálunlvm rvt shá dvzvr dø tiqdvchá Myanmar móngdàn taq gø svrado rì àngké mvdò CBCM taqkèní shøl nø dvkvm we vdòng, Svrado gwørwang nvng Jau gwørwang àngdvtvng tvng taqgø yuqyà we rvtø taqø vkvt dø wáshì we svng shálún shìe.