Lutheran shvngømré angnvm angchàngrì nvng kahtolic shvngømré rì, gorø angyá rvsé gø' rìnø Svràbín koqkám pè Francis nvng vhøm lúnlvm dvpvt vjúrøt nøqngøm kwrwang svng dìwe shvngkà.

Lutheran shvngømré angnvm angchàngrì nvng kahtolic shvngømré rì, gorø angyá rvsé gø' rìnø Svràbín koqkám pè Francis nvng vhøm lúnlvm dvpvt vjúrøt nøqngøm kwrwang svng dìwe shvngkà.

   Lutheran shvngømré kèní angnvm angchvng rìnvng Katholic shvngømré rì, tiqdø mvngù shìnø Roman wamà svng vjúrøt mòngkà mvngù shìlvm tìyø tiqlùng wà bøà we íe. We mvdo svng nø "Luther rìnvng bàbá kaqsvng” wawe bøng zía:tna we íe. Svràbín koqkám pè Francis svng tiqgø nvng tiqgø pàmvrà wakè music mvkún kún sórí taqsvng vpø' shvrìng we íe.       Shóngshøng we bàbá, shóngshøng we hkristu taq angnvm angchvng rì wanø shølshú pèí nvmlvt kàpoq àtnà we íe. Vkvt dø vrám vrá nø tiqdø vjúrøt mòngkà mvngù shìwe svng bàbá Fransic ínø music kwine yar tiqdø mvkún mvkún we svng vkvtdø shvbóngò nø nvnggùn zìkà shønwe íe. "Kwine yar svng nø, shvngbè mvkún ràwe írvt tiqgø nvng tiqgø taqsvng tàlè singrvl nøt nvng cvn dvgøm lvm gvza vchvk we íe.

  Wedø nøtlúm weí singrvl nøt rìnø, shvngømré dvpvt nøngmaq taq gvza rà vchvk we íe. Vkvt wá pvng bøà we nyìlàrkàn gvbaò tìyø rìsvng nøngmaq cvn shàì we íe. Mvkún tiqgøm kèní kwine yar bøn we íe.

   We lùng gø Jamanì móngdàn nvng dvgá mònggàn vrvm høq shvngømré ò, Svsana nø tiqnøt tiqmang ílún lvm ang mvtó íe” wàe. "Tiqdø zaqlè wang dì we nø shvlàe” wawe mòngkà mvngù shìlvm tìyø ò, gòrø dvpvt gvz oqà íe, wanø mòngkà mvngù shìlvm zaqlè wang dìwe vsvng rìsvng Svsarabín koqkám pè Francis í, we mvdò svng pàmvra wá da:ngí vdèò shvrà kaq lòá:mì we íe.

Kàtvlíng we Svra Paul Pù Yé Dwè