"Lvpat cúnshì lòng nø vsvng gø' vrvmò vlún vkvng íe wā svrabín koqkvmpè Francis shøn we shvngkà"

"Lvpat cúnshì lòng nø vsvng gø' vrvmò vlún vkvng íe wā svrabín koqkvmpè Francis shøn we shvngkà"

Shvngømré ínø shìlvm lòng kaq svng dvbvng we mà-vl, cúnshìlvm lòngò vlún vkvng wā vl nø shìlvm lòngò vlún vkvng wàwe nø mà-vl we dang Svrabín Koqkvmpè Francis ínø lvban vshøm nī taqø dvshvng bøā we íē.

Vatican taq lvban vrvm àngwa vsvng mvngpong nvng v-toq v-tip nø vhøm we taq Argentina dvcì íwe svrabín koqkvmpè Francisí shønò we taq vtōlvm rvzaq we dang cì túshì nø shi we, cì rvt lvpat cø'm lòng svng màtō we dang gvzà dvkvm nø shøn bøì.

Shìlvm rvtø taqø Vsvng kaq dvbvnglvm rvmnang gvzà ra we íni gø vkvt dø àngde nø àngde shìlvm dvgø'shì we taq dvbvng we mv-wàlvm rvt gø svrabín koqkvmpè Francis taqkèní dvshat nø dvkvme.

" Lvpat cúnshì lòng nø Vsvng gø' vrvmò vlún vkvng ínø, shì lòng nø kàgø'ígø lúndaq pvn mø-í. Wervt shìlvm lòng svng shvlō gø' mø-í nø shìlvm lòng svng mvng cā gø" le íràe wanø svrabín koqkvmpè Francisí dvshvngò nø shøn bøā.