Mà-vl a:mì Shvrērì dvpvt ywādō Catholic rvzvngcèrì muqhøm rosary vjúrøt

Mà-vl a:mì Shvrērì dvpvt ywādō Catholic rvzvngcèrì muqhøm rosary vjúrøt

Democracy vmíng vkvng vtvngà lvm rvt sandaq bya dvtvn we taq mà-vl a:mì Shvrērì dvpvt sitgaitai, shwepomyoqnē , ywādō sanbyà mvring taq catholic rvzvngcerí nø March 7 ni dørøm 7:30 minut nāyī rvtø taq mvdøng mvdàq rosary vjúrøt we wàò weí rvzvngcerí 250 gø dì nø vjúrøt bøā.

Yalòng tvyø wá bønlú:ngì we mvtú lòng svng gundvtøpmō taq, " móngzøngce tiqgø chìp kèní vlún vkvng Dvrárì lúnlvm dvpvt vdè taqkèní lún mèyø lòng svng dvtvnshì bøì we íe.
Vkvtdø íwe rvtø taq Catholic rvzvngce tiqgø chip kèní vjúrøt dvbang nø jór lúnlvm shvlá vtvng íe, wā vlømshi rvt nøngmaq rvzvngcerí nvng tiqdø yalòng vjúrøt lìpong tvyø svng wáshì we íē" wā gørwangøp shvrúngshúpè Fr. Nēmyóshwe taqkèní shønē.

Dèni nø rosary vjúrøt lòng svng mvring wamādøng lúmlvm rvt dvgøò we dang nvng we mèpvng nīlā taq nø àng-yø' ku (6- yø' ) taq dvlé dvlé vjúrøt lvm íe wanø shønòe.

Ywādō sanbyà mvring nø Shvngømré rvzvngce chøm gūng (380) rvsé vl-we Mandalay Gaichuk sasvna taq mvring wamā tiq mvring gø íe.