Mòngàn dvbùshvng wawe àngni wanø October 18 ni svng mvsat lvm Vatican kèní tvnùngvtnàwe shvngkà

Catholic shvngømré taq kèní covid 19 yóga zønlì vkøn we rvtø shvngømré bóy àngnirì nàr ràá:mì we ínø móngdàn vrvm taq noqngøm tvyørì gø Social media online mvdàm kèní shiqshàn tvrà nvng sing nø tvnùngò we dvrá nvng vdu vbóng dø wá vdu á:mì we íe.

Ínigø 1926 nøng Svrabín koqkámpè 9 pè wapè Pious taq kèní wá pvng bøà we Catholic shvngømrérìò dvbùshvng àngni svng October 18 lvbán 5 ni taq ni walvm Vatican kèní tvnùngvtnàwe íe.

Dvbùshvng bvnlì wawe bvnlì àngké mvdò taq kèní mòngàn dvbùshvng àngni svng waòwe mangá nø kámnø tvrà svng shvdøng shvngang shì lvm nvng we ni svng màná dømrø tiqlòng dø roqgvr lvm dvpat íe wanø dvkám we íe.

May shvlá 31 ni taq wabøà we shvnshvŕ pvlàcè bóy ni taq Svrabín koqkámpè Francis taq kèní Ezekiel svng gōò we chømciq taq kèní nvngòn ziwe mòngkà nvng covid 19 yóga zønlì vkøn we rvtø taq dvshá zàwe bvnlìrì nvng dvbùshvng bvnlì rìtaq tùbum shìnø dvzøm shì ràwe svng dvkám shaq íbøì we íe.