Mòngàn svngpvn dvsháza àngni (world Humanitarian day)

Mòngàn svngpvn dvsháza àngni svng August 19 ni taq svngpvn dvsháza bvnli wawe rìsvng shvringò we nvng mòngàn taq dvshá mvhoq vsvngrì kaq tubum shìwe rìkaq svng shvgùn shvrìngò we àngni wanø nøng vrvm waò we íe. Weni bøn ráì we nø 2003 nøng August 19 ni taq Begadet myoq taq vl we mòngàn rapdoq àngké róng svng gvsvta:tnà nø vsvng 22 gø shìá:mì. Wedø lvpat cømá:mì we taq Iran móngdàn kèní mòngàn rapdoq UN gvsapè Sergio Vieira De Mello gø vbá we íe. 5 nøng vle á:mì mèpvng August 19 ni svng mòngàn svngpvn dvsháza àngni world Humanitarian day wanø lìpùng gvbà taq mvsat shì bøì we íe. We rvtø taq kèní pángshìnø mòngàn svngpvn dvsháza mvdòrì taq kèní nøng vrvm wáshì lvm nvng svngpvn dvcìrì svng dvsháza bvnli wa lvm we dang taq dvzømshì we vsvngrìò shimløm dangrì taq tùbum shìlvm dvkám bøà we íe. Svngpvn dvcì dvsháza tùbum shìwe bvnlì dvzømshì vsvngrì tiqmaq nø wángzà vsvngrì taq kèní ínø àngmaq nø vzivrùng wawe rvgaqrì taq bvnlì wá vdu raweí svrè dvkéwe dvhø cúnshì ràwe íe. Yadø íwe bvnchvtrì taq dvzaqshì we vsvngrì tiqni mvdàm tiqni yúmvnshì we gø yángshìe. Pàwálvm wani àngmaqò lvpat nø gvzà svre dvkéwe ínø shimløm lvm mvlúnò rat íe. Nøng vrvm mòngàn svngpvn dvcìrì àngsé sen mvdàm nø dang àngpvn pvn taq kèní tùbum dvbangã-ràwe vhømòe. Wedø íwe taq mòngàn svngpvn dvsháza bvnli taq dvzømshì lvm shvrúngnøt vlwe vsvngrì luqmvn shìlvm svng gø shvdømwe íe. Mòngàn svngpvn dvsháza àngniò vchyak vtang dvlànø dvsháza bvnlì taq mòngàn zìdang høqshaq vzøm lúnlvm wawe íe. Svngpvn dvsháza bvnli wawe taq àngdèò rìngzì wamàrì rvgaq mvtaq sángzà rvgaqrì høq shaq rà vchyak we taq cvnø dvzømshì lúnlvm dvdamshì ràwe íe. Svngpvn dvcì dvsháza bvnli svng roqgvr shìlvm dvpat mòngàn zìdang ku vzømnø wálún lvm mvdøng vchakwe íe.