Mònggàn Døngkūrì Svpòng dvdáng Missa Kàgvpnúng Svrabín Koqkám pèí Dvshvt We Kà.

Mònggàn Døngkūrì Svpòng dvdáng Missa Kàgvpnúng Svrabín Koqkám pèí Dvshvt We Kà.

 Kùngrán shìlvm dang taq  nònggùn kùngà ràvchvk we írvt døngkū shóngnøt dvtvn lvm dangsvng dvzaqshìnø nøtrvt lúnràe. Gvrayò mvrdvng taq kùngrán mvkàm

shìwe lvngré shvdvngrì gvza vlwesvng nøngmaqí yvnglún shìe.
 

Angmè tiqgø'í vdèò angcè nvngàré shvdvng tiqgø'svng ràwe pvn dvgø'à ràwe íe. Wedø ínigø àngcèpènø vsvk (37) nøng høq bøànìgø kùngrán mvtá we íe. Wervt

nø laqtòn, bvlaq, tvlú zvrà nø dvgø'shìwe dangsvng envlò. Ang vdènø vdèí dvzaq shìnø ledvzøp shìlvm dø shvngøtò.

Pawalvm wani døngkū shóngnøtnø angcø'angcèrì mvdvm vdènø vdèò lvpvt wàwe svng sháshì høq tubùmā ràe. Døngkū vrvm nø mòngzøle, vrá tiqdang nø chøm døngkū

vrvm taq yatnø dvshàwe vhøm shìe. Wervt yatnø dvshàwe vhømò rvtø taq vpèní vmè,yvngsvng lòlvm nønt shìe. 

Wedø vhømòwe rvtø taq dvkáng shìnø shvleò. Døngkū chømnø nàò nvrøm dùng kèní shóngnøt svng yv'nglún shìhøq lálvm, dvtvn lvm shvrà íe.
 

Wedø íwe shóngnøt nø té yàtnø dvshà mvhøt vhømò we rvtø gvzá zømdvng we íe. Shvngømré gø nànvng tiqdø vlwe dø tiqdvchá nàgø  shvngømré taq vlnø màvsvr

lvm vchvkwe íe.

Jøngjøng shvngømré nø Nazareth wamà chøm døngkū taq kèní pángshìnø vllún:ngì we íe. Wervt yatnø dvshàwe rvtø taq nàò chøm døngkū nø nøntkøm lvm, cømsaq

mòngzøl we nvng bòywe lúnlvm rìsvng Gvrayí dvbvng daqè, nønt tøngnø døngmvn we dangtaq ripnø vsvng vrvm svng gvrayò shøng dvtvn shàì we íninø dvciq lvpvt

cúnshì we kømpaq lúnlvm ídaqe.