Mònggàn Taq Vsvkté Vtvng, French Sister (vsvk 118) Kàngpè Vdùng Taq Lōá:mì We Shvngka

Mònggàn Taq Vsvkté Vtvng, French Sister (vsvk 118) Kàngpè Vdùng Taq Lōá:mì We Shvngka
 

Vsvk 118 nøng íá:mì we French sister shvrúngshú mè, January 17, lvbán vní nì vsháng 2 am rvtø kàngpè vdùng taq lōá:mì

we svng sister mvdoò spokesperson, David Tavella í dvtáò svng CNN shvngka dvp kèní dvshv:ngò wervt shálún shìe. RVA

English Website kèní gø January 18 ni taq dvshvng shì bǿì we íe.
 

“Nøngmaq nønt mvbyò we ínigø angnø nøntshø̀m weí muqlvng móngdàn taq lōá:mì” we íe. Gerontoogy Research Group’s

World Supercentenarian Rankings List (jahpan) nvng tiq dvchá, angnø mònggàn taq vsvk té vtv̀ng tvyø̄ taq bø̀ngshvng we íe.
Angnø 1901 nøng February 11 ni, tìnìn lvp Frecnch, Ales mvring taq shøq yv:ngà we sister Andre Ucile Random íe.
 

Angpè ní angmè nø Paul Random nvng Alphonsine Delphine Yeta Soutoul ní íe.
Vsvk (19) nǿng taq Protestan kèní Katholic shvngø̀mré vsvng tiqgǿ íráì we íe. 
 

French móngdàn, Vichy wamà cìrúng taq (28) nøng nvng dvgá cìrúng rìtaq gø ap núng nø bvnli taq dvzaq shì bǿì we íe. 
1979 nøng taqnø 75 nøng íráì we íe. 2009 nøng taqnø angmaq chø̀m taq vlnø, 2010 nøng taq angí nè mvyvng bǿà. 
 

Vsvktè gvzà tenø shvrǿng ráwe ínìgø cìrúng rìtaq zà vsvng rìsvng dvzø̀m mvkok weí a:ngò lvpvt béráì we íe.
A:ngò lvpvt taq Svrabín koqkám rì (10) gǿ dvlè shìhøq íráìnø Svrabín koqkám pè Francis nø (10) wawe gǿ íe.
 

Mònggàn taq vsvkté vtvng nvng shvrǿng vtvng íe wawe American-born Spanish, Maria Branyas Morera (vsvk 115) nøng

mvdvm vsvk tèweí mvshøl taq bø̀ngshvng we sister Andreò pvlàcè nvng Gvray kaq kámwe pvlàcè rìnø Gvrayò dvsházà

we nvng mòngzø̀l we móngdàn taq v́l laqlúnò.