Mònggvn híwur dvciq, mvgø mvzøp we vsvngrì ò angni

Mònggvn híwur dvciq, mvgø mvzøp we vsvngrì ò angni

Mònggvn híwur dvciq, mvgø mvzøp we vsvngrì ò angni svng 1992 nøngò mònggvn rvpdoq UN lìpùng taq mvsat yàngà. December 3 ni nø mònggvn híwur dvciq, mvgø mvzøp we vsvngrì dvpat tùbum dvbangā we àngmaqò bvnchvtrì nvng singnø paqzí dvkøm, shá dvzitwe nvng angmaq nvng vzømlvm wáshì we angni íe.

Yani taqnø angmaq dvpat UN agencies rì, vsvng mvngpòng mvdò rì, paqzí nvng singwe mvdòrì nvng dvgá mvdò rì taqkèní wur vzøm weí dvbangshì lúnlvm dvkám we íe. Yani svng wáshì we ang manggá nø àngmaqò lvpat rìsvng síngsháā nø shòngnøtí vzøm lvm, àngmaqò dvgùng, lúnkángrì nvng mòngzøl we dangrì kaq vpø shvringā we taq lvpat zìdangrì dvhángā lúnlvm wawe íe.

Mònggvn híwur dvciq, mvgø mvzøp we vsvngrì nø móng lvmang, wulaq bvnlìrì, svngpvn vtoq vtip we dangrì, tóng laqyà dø íwe dangrì taq gvzàni zømdàng nø vjúzi we svng síngshá dvzvŕ we íe. Yanøng taq nø we lìpùng gvbà svng New York taq vl we UN àngké róng taq walvm dvgø shì bøì we íe. Ya mvdò taq vbáwe mvlúm móngdànrì, vsvng mvngpòng mvdò rìtaq kèní yani lìpùng svng mònggvn móngdànrì vrvm taq gø walún lvm dvkám we íe.

Vle vmì we 2019 nøng taq wáshì bøì we ya lìpùngò kà vgo taq nø tuqrawe 2030 nøng dvhø vdòng taq nø angmaqò lvpat zìdangrì, shølshú wálún lvm dangrì svng téwa dvhàngnø shvzøngā lvm wawe íe. Yalòng kà vgo vdòng taq kàciq 17 ciq kèní vrang shìwe gø íe.

Ya 2020 nøngò weni lìpùng dvpat gvlshì lvm kà vgo svng àngmaqò lvpat zìdang vháng lvm nvng singwe ka vgo svng vsvng svngbe nøt vráwe taq rvsvng lúnlvm dvpat November 30 ni kèní December 4 ni dvhø vrashì nø walvm dvgø shì we gø íe.