Mònggvn mòngzøl we dang nvng zìdang vháng lvm gùn dvtøpwe angni

Mònggvn mòngzøl we dang nvng zìdang vháng lvm gùn dvtøpwe angni .

Mònggvn mòngzøl we dang nvng zìdang vháng lvm gùn dvtøpwe angni svng mònggvn rvpdoq UN paqzí, gùn dvtøpwe nvng tónglaqyà angké mvdò UNISCO taqkèní 2001 nøng taq mvsat vring bøà we íe. Yani nø mònggvn svngpvn dvcìrì dvhø gùn dvtøpwe paqzí vchyak we dang nvng bvnchvtrì dvhø téwa gwaqdø vzøm vzap lúnlvm dvpat tvnùngò wegø íe. Yani wáshì we tvnù mangárì nø mònggvn móngdànrì dvhø gùn dvtøpwe paqzí taqkèní móngzøngcèrì vzømnø vrvm vrá we dang svng dvhàng lvm, móngzøng cèrìò vjú dvpat gùn dvtøpwe paqzí svng lángshì lvm, nvng we bvnlìrì svng tubùm dvbang shìlvm dvpat íe. Gùn dvtøpwe paqzí nø shvla lvpsvng vlíng vpo dvzvŕ we nvng vsvng zìdang dvhàng we dang dvpat jór nvngòn tiqlòng gø íe. Yalòng nø mòngzøl we dang svng gø dvbangā we dvrè tiqlòng gø íwe svng yánglún shìe.

Yalòng svng vsvng mvlúng kaí wá mvlún shìwe tiqpvn íwe svng mvsat shì we gø íe. Yani svng dènø 2020 taq wálún lvm dvpat UNISCO nø yani la vkøn we Covid 19 yóga vgám mvdò rìnvng mvngushì vràshì nø dvmvn we svng gø shálún shìe. Yadø dvjáng zønli vkøn we rvtø taq móngzøng cèrì nvng gùn dvtøpwe dikban paqzí vdèrì vzømnø mvngushì weí tvrà tónglún lvm gø gvzà vchyake we íe. Ya dvjáng zønli vkøn we rvtø taq vchyak we dang 3 dang svng dvhàng lvm vchyak we yánglún shìe. Werì taq nø mònggvn gùn dvtøp dikban paqzí zìdang dvhàng lvm, aqtì luqpøn lvm nvng vtoq vtip nø vzøm we dang vrangshì lúnlvm rì íe. Yani taq nø móng øp vsúyaqrì, shvngkà tvyø mvdòrì nvng zùngma cèrì høqshaq mòngzøl lòng nvng dikban paqzí wawe kà vgo taq bvnlì wanø vring kélvm lvm vko vkáng vl we tiqni gø íe.