Mònggvn shipán angni (World Statistics Day)

3 boq waboq mònggvn shipán angni svng 2020 nøng October 20 ni taq mònggvn svng kám vlømshì vrvm we vtoq vtip shìlvm wawe kà vgo taqkèní walvm svng shálún shìe.

Ya angniò lìpùng taqkèní vchyak we dangrì, mvn paqzí rì nvng mvngpòng shipán rì vchyak we dang svng tvnùng òwe angni gø íe. AD 2000 nøng taq mònggvn rvpdoq UN shipán commission ò tvnùng ònø tùbum dvbang shì ráì we taq kèní bøn ráì we íe.

Mònggvn rvpdoq UN ò shipán dapnø mònggvn shipán dang nvng sing we bvnli pvran shú gø ínø we dang nvng sing we rì kaq mònggvn móngdànrì svng website kèní shvlangò nø vtoq vtip shì we gø íe. Shipán nvng singwe mònggvn zìdang ku dvhangò we kà angpvn pvn taq kèní tvle we, shádvzit we bvnlì rì waò we íe.

Yani bøn ráì we mvshøl

2010 nøng February shvla taq 41 boq waboq mònggvn rapdoq UN zupùng taq shipán Commission í October 20 ni svng mònggvn hipán angni wanø mvsatshì bøì we íe. Mònggvn taq ya angkíng mvzuq nøngrì vdòng kadø vlíng vpo mvnshì nø zìdang vháng lúnwe svng dvtøp lúnlvm rat shvla we shipán taqkèní gùn dvtøp lúnlvm dvpat wanø 2010 nøng taq yani svng masat shì lúnbøà.

2015 nøng October 20 ni ò mònggvn shipán angni taq nø téwa shvla we lvpat rì nvng té shvla we shipán rì 'Better data, better lives' wawe kà vgo kèní wálún bøà nø 5 nøng mèpvn vrá wálún lvm wanø nøt vrá shaq íwe svng UN shvngkà kèní shálún shìe.