" Mònggvn taq vl Catholic rvcángcerì taqkèní dvbùshang Sasvna wàrì shipan svng Vatican kèní dvrá shàng dvkvng we"

" Mònggvn taq vl Catholic rvcángcerì taqkèní dvbùshang Sasvna wàrì shipan svng Vatican kèní dvrá shàng dvkvng we"

       Mònggvn Sasvna angni mv-høqò vzàng mònggang rvzvngce dvbùshang Sasvna wàrì ò shipan svng Vatican taqkèní dvrá shàng dvkvng bøā we íē.

   Kàdvngté màle we vzàng kaq tø' lúnbøā we shipan ku mònggang taq Catholic rvzvngce dvbùshang Sasvna bvnlì taq zømshirìò górø nø (410440) gø vlē wànø shálúnshìe. Catholic rvzvngce dvbùshang Sasvna bvnlì taq zømshirì wāwe taq mongkà Svrarì, shvrúngshúrì, dvzømshú Mama rì màbá dø Sasvna bvnlì taq zømshi nø dvzaq dvgvngshì we shvngømré rvzvngcerì kaq svng wàwe íe. Yalòng shipan svng lvngdøm tø'shì we nø (2018) nøng taq ínø, we rvtø górø mvdvm (34252) gø rvmshi lú:ngì we íe.

  Urobaq móngdàn, gányúdán rvgaq nvng Africa móngdàn rì taq nø téwa ramshì we íe. Tìpo nvng tìni America móngdànrì taq nø (33930) gø rvmshi we nvng Asia móngdàn rì taq nø (550) gø wā rvmshi we dang shálún shìe. Køni móngdàn kaq svng dvbùshang Sasvna wàwe shvrúngshúrì, dvzømshú mamarìò shipan svng nø dvtán we mà-vl.We pàdø mònggang døngtang taq Catholic rvzvngce górø (1.34) Bilian vl nø, àngwa nøng mvdvm (15) wvn rvmshi lú:ngì. Yalòng shipan ku mònggang Vsvng górø ò(17.74)% vl lòng svng shálún shìe.