Mònggvn vrvm taq shvnshér we góngshà kàgvp Bóymè gvbà svng Ecuador móngdàn 2024 nøng taq wàlvm shvdøng bøà we shvngkà.

Mònggvn vrvm taq shvnshér we góngshà kàgvp Bóymè gvbà svng Ecuador móngdàn 2024 nøng taq wàlvm shvdøng bøà we shvngkà.

 

Ecuador móngdàn, keeto Svsana yvng 2024 nøng taq walvm mònggvn vrvm shànshér we góngshà kàgvp bóymè gvbà svng Svrabín koqkám pè Francisí shvdø:ngò

we kà dvshvng bøà we íe. Móngdàn vrvm shànshér we góngshà kàgvp bóymè gvbà nø 53 poq wawe ínø Ecuador svng Yesuò ang nvrøm kaq dvle bøà we

150 nøng vhøm we Bóymè gvbà gø íe.

 

Latin America taq vlwe vsvng rìò kámnøt tvra dang svng vrá dvtup lvm nvng Gvrày dvbù shvng mòngkà dvshvng lvm dvpvt shànshér we góngshà Kàgvp rvt

angshí dvtvnò we shvngømré Bóymè gvbà íe wanø march shvla 20 nì taq Vatican kèní dvshvng bøà we íe.

 

Keeto wamà nø Androids shìgùng lvngpvng taq vle. we shìgùng nø pánglài tì shvdún 9350 be mvdvm vlwe íe. Keeto wamà nø Ecuador móngdànò wamà

gvbà ínø, vsvng (3) wàn ján dángtè vlnø bøng gvza tewe wămà íe. Móngdàn vrvm shànshér we góngshà kàgvp bóymè svng (1881) nøng taq wàyà:ngà

we shvrà nø Pintic móngdàn taq íe. Lvngdøm wàyà:ngà we shvrà nø (2006) nøng taq Philippines móngdàn Cebu wamà taq wàyà:ngà nø bóymè taq

di we vsvng (12000) dvngtè vbá we svng shálún shìwe íe.

Add new comment

6 + 2 =