Mònggvn vsvng vzøm we angnì.

Mònggvn vsvng vzøm we angnì.

Màbóng we vsvngrì dvhø taq vrvmvrá nø vzøm we svng shvring lvm dvpvt Mònggvn rvpdoq mvdò kení Mònggvn vsvng vrvm vrá nø vzøm lvm angnì svng December (20) yaq taq wá Shìwe íe. We mvdvm dvshá mvhøt vhømò we vsvng màvl lvm móng vsvngrì vrvmvrá lvm vchvk we svng shvdøm we íe. Mòngkàn vsvng vrvm vzøm lvm angnì nø dvshá mvhøt vhømò we vsvng rìsvng dvshá zawe bvnlì taq nøtkrømlvm dang vchvk we kaqsvng dvdvm dvzvř we íe. Vsvng rìí kapà wá vdu emá? Móngkàn vsvng vrvmvrá nø vzøm lvm angnì taq Vsúyaq rìgø dvshà mvhøt vhømòe vsvng dvpvt nøtkrøm lvm nvng singwe svng Móngdàn vrvm nøtkrøm Nøtløm lvm dvpvt dvkám ràe. Vrvmvrá nø tiqdø vzøm lvm nvng dvshá zawe dang svng bvnlì ang mvtú lúnlvm dvpvt shvdøm wegø íe. ‌Bvnlì dang nø lvngpvng yvng dvtú shì dønì vzøm kelvm íe. Rvgvq vdòng taq kám Bùm rìsvng mvwàlvm dvpvt vgámlvm. Shiqshvn dang nvng cì mvwàn ràwe vsvng rì dvpvt dvgø ãlvm. Lvngcha nvng vsvng íshvbønò we bvnchvtrì vhømò we vsvng rìsvng dvbvngã we bvnlì. Mònggàn nvng singwe paqzí dang vháng lúnlvm. Dvshá mvhøt we, màyøn gømpaq vmwe nvng mvdøng màmvn we dang svng vgám lvm. (Mvzáng၊ shvngkà rìnvng vduwe shvngkà, vsvng tiqgø kení ang mvdò rìò Website nvng Media rì taqkèní tvnùng dvtanã lvm. ‌Bønlú:ngì we mvshøl Vrvmvrá lvm dangnø mvlúm mvdòrì dvhø wulaq bvnlì dang, ang mvtú dang, vle bøì shaqré mvshøl rìsvng mònggàn vtoq vtip lvm dvpvt vrvmvrá nø vzøm lvmdang vchvk we svng nøtkrøm bøì we íe.

Globalization mònggàn nvng singwe màbóng we dang kaq UN mònggàn rvpdoq kení vzvng vlē á:mì rvtø taq kení vháng lvm dvtú Shìwe dangsvng mònggàn vrvmvrá vzøm nø dvzaq shì ràwe svng dømshá bøà we íe. UN mònggàn rvpdoq mvdò mvlúm rìò vrvm vrá lvmnvng móngdàn vrvm sømsaq mòngzøl lvm, vsúngshú tvrà dang shangbè vrvmvrá nø vzøm lvm vchvk we íe. 2005 December (22)yaq taq UN mònggàn rvpdoq lìpùng nø Mònggàn ngàngdøng nø vháng lúnlvm angnì kaqsvng nøng vrvm December (20) yaqtaq walvm ílonge wanø dvshvng bøà we íe. Wedø írvtnø mònggàn vhánglvm tiq tvrà nvng vsvng vrvm nø vrvmvrá lvm dvpø svng mònggàn vrvm íshá lúnlvm ang mvnggá íe. Tiqdø vzømè nø tóng laqyà dang vháng nø dvshá mvhøt vhømòe vsvng rì yúmlvm dangsvng jòr bøshàwe írvt nøt dvbù lvm vle wae. Dènøng taqnø UN mònggàn rvpdoq kèní vsvng nvng juduqrì svng ngàngdøng nø vháng lvm mvnggá tvnungò we svng vsvng rìsvng dvshá mvhøt vhøm dvzvr we, Yóga vna zønlì vkøn we kaqsvng mònggàn dang gùn dvtøp we mvdò rìí nøtkrøm nø vto bøà we íe. Wervt nø wedø mònggàn nvngsing nø wàò we dang svng vrvmvrá vzøm ke long nø ngàngdøng we tvrà íe. ‌Mòngkàn vsvng vrvm vrvmvrá vzøm we angnì nø Màbóng we dvhø taq nøngmaqò vrvmvrá vzøm we kaqsvng shvring lvm angnì tiqnì íe. Vsúyaq rìkení gø móngdàn vrvm nøtkrøm bøì we dvkám kà rìsvng vpøă lvm vtoq vtìp we tiqnì gø íe. Vrvmvrá nø vzøm lvm kàdvng te vchvk we svng móng vsvng rìí dvdvm shálvm tiqnì gø íe. Dvshá mvhøt vhømòe zìdang vmáng lvm dvpvt tvrà angshvr svng vto Shìwe tiqnì gø íe wanø shálún shìe.